Тошкент вилояти Тошкент туманидаги “Кўксарой тех-сервис” машина-трактор паркида сайёр машғулотлар ўтказилди

Бош прокуратура Академиясида илк маротаба Агросаноат мажмуи ва озиқ-овқат хавфсизлиги таъминланиши устидан назорат қилиш инспекциясининг туман бўлимлари бошлиқ ўринбосарлари иштирокида ўтказилаётган малака ошириш курсида асосий эътибор тингловчиларда амалий кўникмаларни шакллантиришга қаратилмоқда.

Шу мақсадда, тасдиқланган ўқув дастурига асосан, муқобил машина трактор парклари, фермер ва бошқа хўжаликлар фаолияти билан яқиндан танишишга қаратилган сайёр машғулотлар тизимли равишда ўтказиб келинмоқда.

Жумладан, жорий йилнинг 10 декабрь куни Тошкент вилояти, Тошкент туманида жойлашган “Кўксарой тех-сервис” муқобил машина трактор паркида сайёр машғулот ўтказилди.

Ушбу машғулот мавсумий агротехника тадбирларининг ўз вақтида ва сифатли бажарилишини таъминлашга қаратилган назорат тадбирларини самарали ташкиллаштиришга қаратилди.

Бундан ташқари, машғулот жараёнида тингловчилар машина трактор парки фаолияти билан танишиб, ўзларини қизиқтирган саволларга жавоб олдилар.