Toshkent viloyati Toshkent tumanidagi “Ko'ksaroy tex-servis” mashina-traktor parkida sayyor mashg'ulotlar o'tkazildi

Bosh prokuratura Akademiyasida ilk marotaba Agrosanoat majmui va oziq-ovqat xavfsizligi ta'minlanishi ustidan nazorat qilish inspeksiyasining tuman bo'limlari boshliq o'rinbosarlari ishtirokida o'tkazilayotgan malaka oshirish kursida asosiy e'tibor tinglovchilarda amaliy ko'nikmalarni shakllantirishga qaratilmoqda.

Shu maqsadda, tasdiqlangan o'quv dasturiga asosan, muqobil mashina traktor parklari, fermer va boshqa xo'jaliklar faoliyati bilan yaqindan tanishishga qaratilgan sayyor mashg'ulotlar tizimli ravishda o'tkazib kelinmoqda.

Jumladan, joriy yilning 10 dekabr kuni Toshkent viloyati, Toshkent tumanida joylashgan “Ko'ksaroy tex-servis” muqobil mashina traktor parkida sayyor mashg'ulot o'tkazildi.

Ushbu mashg'ulot mavsumiy agrotexnika tadbirlarining o'z vaqtida va sifatli bajarilishini ta'minlashga qaratilgan nazorat tadbirlarini samarali tashkillashtirishga qaratildi.

Bundan tashqari, mashg'ulot jarayonida tinglovchilar mashina traktor parki faoliyati bilan tanishib, o'zlarini qiziqtirgan savollarga javob oldilar.