Бирлашган Араб Амирликлари Миллий қўмитаси делегацияси ташрифи

Ҳуқуқни муҳофаза қилиш академиясига Бирлашган Араб Амирликларининг Жиноий даромадларни легаллаштириш, терроризмни  молиялаштириш  ва ноқонуний ташкилотларни молиялаштиришга қарши  курашиш бўйича Миллий қўмитаси Раиси ўринбосари  ва Бош котиби Хамид Ал-Зааби бошчилигидаги делегация ташрифи амалга оширилди.

Ташриф давомида делегацияга Академия фаолиятининг асосий йўналишлари, таркибий тузилмаси, прокуратура ва тергов органлари ходимларини тайёрлаш, қайта тайёрлаш ва малакасини ошириш тизими, илмий ва таълим жараёнлари тўғрисида батафсил маълумот берилди.

Шунингдек, делегация вакиллари Академиянинг моддий-техник базаси, тингловчилар учун яратилган шарт-шароитлар, амалий кўникмаларни ўзлаштиришга қаратилган инфратузилма, таълим жараёнида қўлланилаётган замонавий технологиялар, юридик клиника, криминалистик полигон, лабораториялар, суд имитацияси хонаси ва бошқа амалий машғулотлар ўтказишга мўлжалланган махсус хоналар, шунингдек, ахборот-ресурс маркази фаолияти билан танишдилар.

Академиянинг илм-фан, таълим ва амалиётнинг ўзаро уйғунлигига асосланган таълим фаолияти меҳмонларда катта қизиқиш уйғотди.