V Тошкент аксилкоррупция форумида иштирок этилди

Жорий йил 22-23 октябрь кунлари Академия раҳбарияти, ходимлари, талабалари ва тингловчилари V Тошкент аксилкоррупция форуми ишида иштирок этдилар.

Форумнинг “Коррупцияга қарши таълим: самарадорлик ва хабардорликни ошириш стратегиялари” сессиясида Халқаро коррупцияга қарши кураш академияси раҳбари С.Тасева, Литва Махсус тергов хизмати директори ўринбосари Э.Радзевичюс, Ҳуқуқни муҳофаза қилиш академияси бошлиғининг биринчи ўринбосари Е.В.Коленко, БМТ ГЖБнинг коррупцияга қарши курашиш масалалари бўйича маслаҳатчиси В.Козин, Германия Ички ишлар федерал вазирлиги бош комиссар-инспектори И.Зоргатс ҳамда Гонконг Мустақил коррупцияга қарши комиссияси Операциялар департаменти директори ўринбосари Чи-Конг Танг тақдимотлар билан чиқиш қилишди.

Академия бошлиғининг биринчи ўринбосари Е.В.Коленко ўз маърузасида Академия томонидан коррупцияга қарши фан ва таълим йўналишида амалга оширилаётган фаолият, жумладан аҳоли, ёшлар ва давлат хизматчилари учун “Коррупцияга қарши курашиш виртуал академияси” электрон платформаси орқали ташкил этилаётган махсус ўқув дастурлари ва ўқитиш натижалари юзасидан тақдимот қилиб, Форум сессиясида иштирок этаётган халқаро ва хорижий ташкилотлар билан келгусидаги ҳамкорлик йўналишлари бўйича таклифларни илгари сурди.

Мазкур ссесияда Академия талабалари ва мустақил изланувчилари фаол қатнашиб, соҳа мутахассисларидан ўзларини қизиқтирган саволлари бўйича батафсил жавоблар олишди.