ЭЪЛОН Ўзбекистон Республикаси Ҳуқуқни муҳофаза қилиш академияси методик кузатувчи (консультант) лавозимига танлов эълон қилади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси таълим жараёни самарадорлигини ошириш, замонавий педагогик усулларни жорий этиш ва таълим сифатини назорат қилишнинг рақамли тизимини такомиллаштириш мақсадида методик кузатувчи (консультант) лавозимига танлов эълон қилади.

Мутахассис дарс жараёнини таҳлил қилади, ўқитувчилар фаолиятини баҳолайди, методик маҳоратни ривожлантиришга кўмаклашади ҳамда таълим сифатини назорат қилишнинг ички рақамли тизимида иштирок этади.

Методик кузатувчи (консультант)нинг асосий вазифалари:

Инглиз тили ва бошқа фанлар бўйича дарсларда иштирок этиш ва кузатиш;

Дарс тузилиши, ўқитиш усуллари, ўқитувчи ва тингловчилар ўртасидаги ҳамкорлик ҳамда ўқувчилар фаоллигини таҳлил қилиш;

Дарсларнинг давлат таълим стандартларига мувофиқлигини баҳолаш;

CELTA, TESOL ва бошқа халқаро методик мезонлар асосида тавсия ва ҳисоботлар тайёрлаш;

Профессор-ўқитувчи таркибига методик ёрдам кўрсатиш;

Кузатув натижаларини тизимлаштириш ва таҳлилий маълумотлар базасини юритиш;

Таълим сифатини назорат қилишнинг рақамли тизимини ишлаб чиқишда иштирок этиш;

Академия ходимлари учун ички тренинглар ва семинарлар ташкил этиш;

Замонавий педагогик ва рақамли технологияларни жорий этиш юзасидан маслаҳат бериш;

Ўқув дастурлари ва методик материалларни такомиллаштириш;

Академиянинг ички таълим сифатини баҳолаш тизимида (IQAS) иштирок этиш;

Академия расмий веб-сайти учун методик фаолият бўйича материаллар тайёрлаш;

Академия раҳбарияти топшириқларини белгиланган муддатларда сифатли бажариш.

Номзодга қўйиладиган талаблар:

Олий маълумот (педагогика, филология ёки методика йўналиши бўйича);

Камида 2 йиллик ўқитувчилик ёки методик фаолият тажрибаси;

CELTA, TESOL ёки шунга ўхшаш халқаро сертификатлар мавжуд бўлиши афзал;

Ўзбек ва инглиз тилларини яхши билиш, рус тилини билиш афзал ҳисобланади;

Масъулият, ташаббускорлик ва жамоада ишлай олиш кўникмалари.

Иш шароитлари:

Муддат – 1 (бир) ой, заруратга кўра шартнома узайтирилиши мумкин;

Иш ҳақи миқдори тарафлар келишуви билан белгиланади ва бажарилган иш натижасига кўра амалга оширилади;

Ҳафтасига 5 кунлик иш режими, 8 соатлик иш куни.

Ҳужжатлар тақдим этиш тартиби:

Номзодлар ҳужжатларни шахсан Академиянинг Кадрлар бўлимига тақдим этади:

паспорт ёки ID-карта нусхаси;

резюме (объективка);

олий маълумот тўғрисидаги диплом ва иловаси нусхаси;

меҳнат дафтарчаси нусхаси (мавжуд бўлса);

СТИР (ИНН) маълумотномаси.

 Тақдим этилган ҳужжатлар кўриб чиқилгандан сўнг, заруратга кўра номзод билан Академия комиссияси суҳбат ўтказади.

Ҳужжатларни топшириш муддати: 2025 йил 20 ноябргача.

Тел.: 71 202 04 96 (1767)