Коррупцияга қарши таълим: Академия олий ўқув юртлари билан ҳамкорликни кенгайтирмоқда

Коррупцияга қарши таълим Академия фаолиятининг муҳим йўналишларидан бири ҳисобланади ва ёшларнинг ҳуқуқий маданиятини ошириш, бўлғуси мутахассисларда коррупциявий ҳуқуқбузарликлар табиати тўғрисида чуқур тушунча шакллантириш, профилактика чоралари ҳақидаги хабардорликни мустаҳкамлаш ҳамда коррупциянинг ҳар қандай кўринишига нисбатан қатъий муросасиз муносабатни тарбиялашга қаратилган.

Шу мақсадда Тошкентдаги Халқаро Вестминстер университетида Академия бошлиғининг биринчи ўринбосари, профессор Евгений Коленко томонидан коррупцияга қарши сиёсат масалалари ва давлат бошқарувида ҳалолликни таъминлашнинг замонавий ёндашувларига бағишланган маъруза ўтказилди.

Маъруза давомида коррупцияга қарши механизмларни ривожлантиришнинг глобал тенденциялари, халқаро стандартлар ҳамда коррупциянинг олдини олиш бўйича самарали ҳуқуқий инструментлар атрофлича ёритиб берилди. Шунингдек, институционал ёндашувлар, очиқлик ва шаффофликни кучайтириш, комплаенс–тизимларни жорий этиш ҳамда ички назорат механизмларини такомиллаштириш масалаларига алоҳида эътибор қаратилди.

Мазкур тадбир иштирокчиларнинг касбий дунёқарашини кенгайтиришга, ҳуқуқий онг ва ҳуқуқий маданиятини юксалтиришга хизмат қилди.

Маъруза Академия билан мамлакатимиздаги етакчи олий таълим муассасалари ўртасидаги ҳамкорликни мустаҳкамлаш йўлида муҳим қадам бўлиб, ёшлар орасида коррупцияга қарши маданиятни кучайтириш, ҳалоллик қадриятларига асосланган янги авлод мутахассисларини тарбиялашга хизмат қилади.