Мажбурий ижро бюросининг туман (шаҳар) бўлим бошлиқларининг малака ошириш курслари якунланди

2018 йилнинг 21 декабрида Бош прокуратура ҳузуридаги Мажбурий ижро бюросининг туман (шаҳар) бўлим бошлиқлари иштирокидаги малака ошириш курслари якунланди.

Дастурга асосан мамлакатимизда амалга оширилаётган кенг қамровли ислоҳотлар жараёнида қонун устуворлигини таъминлаш ва қонунийликни мустаҳкамлашда прокуратура органлари олдига қўйилаётган вазифаларнинг мазмун-моҳияти, Бюро органлари томонидан мажбурий ижро ҳаракатларини амалга оширишда қонун нормаларига риоя қилиш масалалари ҳамда соҳадаги ҳуқуқбузарликларни олдини олиш ва бартараф этишга қаратилган маъруза ҳамда амалий машғулотлар ўтказилди.

Малака ошириш курслари давомида тингловчилар ўзларининг амалий фаолиятларида келиб чиқаётган муаммоли вазиятларни таҳлил қилиб, Академия профессор-ўқитувчилари ҳамда ўқув машғулотларига жалб қилинган бошқа мутахассислар томонидан тегишли касбий ҳуқуқий тушунтиришлар берилди.

Тингловчиларнинг келгусида малака ошириш курсларини янада самарали ташкил этиш юзасидан фикр-мулоҳазалари ўрганилди.

Ўқув машғулотлари якуни бўйича тингловчиларга сертификатлар топширилди.