Халқаро коррупцияга қарши курашиш кунига бағишланган давра суҳбати ўтказилди

Ҳуқуқни муҳофаза қилиш академиясида БМТнинг Гиёҳвандлик ва жиноятчилик бўйича бошқармаси
(БМТ ГЖБ ) Минтақавий ваколатхонаси ва Коррупцияга қарши курашиш агентлиги билан ҳамкорликда Халқаро коррупцияга қарши курашиш куни муносабати билан “GRACE ташаббуси доирасидаги коррупцияга қарши қўшма саъй-ҳаракатлар: тадқиқотлар, таълим ва ёшларнинг имкониятларини кенгайтириш” мавзусидаги давра суҳбати ташкил этилди.

Давра суҳбатида Академия, БМТ ГЖБ, Коррупцияга қарши курашиш агентлиги, Ёшлар парламенти, Олий таълим, фан ва инновациялар вазирлиги ҳамда Мактабгача ва мактаб таълими вазирлиги масъул ходимлари, Академия талабалари, магистратура тингловчилари ва докторантлар иштирок этди.

Тадбир давомида иштирокчилар БМТ Гиёҳвандлик ва жиноятчилик бошқармасининг коррупцияга қарши таълим, ёшларни жалб этиш ва тадқиқотлар учун мўлжалланган GRACE ташаббусининг глобал воситалари, коррупцияга қарши курашиш соҳасидаги тадқиқотларни кенгайтириш бўйича саъй-ҳаракатларни кенгайтириш, коррупцияга қарши курашишда ёшлар иштирокини кенгайтириш, Коррупцияга қарши курашиш бўйича виртуал академия имкониятларидан янада кенг фойдаланиш каби масалалар муҳокама қилинди.

Тадбир якунида барча иштирокчилар GRACE имкониятларини Коррупцияга қарши курашиш бўйича виртуал академия электрон платформасида кенг жорий этиш, коррупцияга қарши курашиш ва унинг олдини олишда халқаро, минтақавий ва миллий саъй-ҳаракатларни бирлаштириш бўйича таклифлар олға сурилди.