Иқтисодий ҳамкорлик ва ривожланиш ташкилоти вакили билан учрашув бўлиб ўтди

2018 йил 21 декабрь куни Ўзбекистон Республикаси Бош прокуратураси Академиясида Иқтисодий ҳамкорлик ва ривожланиш ташкилотининг (ИҲРТ) Антикоррупцион тармоғи котибияти вакили Татьяна Хаванска билан учрашув бўлиб ўтди.

Учрашувда Академия раҳбарияти, профессор-ўқитувчилари ҳамда малака ошириш курсларида ўқиётган тингловчилар иштирок этди.

Тадбирда Т.Хаванска сўзга чиқиб, коррупцияга қарши курашиш ва бу борада институтлар фаолияти, коррупцияга қарши олиб борилаётган асосий ислоҳотлар, коррупцияга қарши сиёсат ҳужжатлари (стратегия, ҳаракат режалари) ва уларнинг мониторинги каби масалалар бўйича тегишли маълумотларни тақдим этди.

Маъруза якунида халқаро эксперт тадбир иштирокчиларини қизиқтирган саволларига жавоб берди.