Швеция тажрибасини ўрганиш: болалар ҳуқуқларини ҳимоя қилиш бўйича идоралараро делегациянинг амалий ташрифи

Академия вакили Ўзбекистон Республикаси Олий Мажлисининг Бола ҳуқуқлари бўйича вакили (Болалар омбудсмани) бошчилигидаги идоралараро делегация таркибида амалий ташриф билан Швециянинг Стокгольм шаҳрига борди.

Ташриф доирасида делегация аъзолари томонидан болалар ҳуқуқларини ҳимоя қилиш бўйича Швеция модели, болаларга нисбатан зўравонликка қарши курашиш механизмлари, турли ижтимоий хавфли вазиятларга тушиб қолган ёки ҳуқуқбузарлик содир этган болаларга кўрсатиладиган комплекс ёрдам тизими ўрганилди. Шу билан бирга, жиноятларни, жумладан вояга етмаганларга нисбатан жинсий зўравонлик ҳолатларини тергов қилиш амалиёти юзасидан ҳам тажриба алмашилди.

Ташриф доирасида делегация аъзолари Швеция Парламенти (Риксдаг), Фарста Ижтимоий хизмати (Socialtjänsten), Рауль Валленберг номидаги Инсон ҳуқуқлари ва гуманитар ҳуқуқ институти, Швециянинг Халқаро тараққиёт ҳамкорлиги агентлиги (SIDA), Болалар омбудсмани, Соғлиқни сақлаш ва ижтимоий ишлар вазирлиги, Барнахус ҳамда қатор бошқа ташкилот ва муассасалар вакиллари билан учрашувлар ўтказди.

Ўзбекистон Республикаси Болалар омбудсмани бошчилигидаги делегациянинг мазкур ташрифи зўравонликдан жабр кўрган ёки қонунга хилоф хатти-ҳаракат содир этган болалар ҳуқуқларини комплекс ҳимоя қилиш борасида миллий қонунчиликни такомиллаштириш, ҳуқуқни қўллаш амалиётини ривожлантириш ҳамда Швециянинг илғор тажрибасини ўрганишга хизмат қилди.