Киберхуқуқ ва рақамли давр синовлари: Академияда илмий материаллар тўплами нашр этилди

Ўзбекистон Республикаси Ҳуқуқни муҳофаза қилиш академиясида «Киберҳуқуқ: муаммолар ва ривожлантириш истиқболлари» илмий-амалий конференция материаллари нашр этилди.

Ушбу тўплам кибержиноятларга қарши курашиш, рақамли ҳуқуқни ҳимоя қилиш, киберхавфсизликни таъминлашда ҳуқуқий асосларни мустаҳкамлаш каби долзарб масалаларга бағишланган. Тўпламда Академия профессор-ўқитувчилари, докторантлари ҳамда амалиётчи мутахассисларнинг 30 дан ортиқ илмий мақолалари жамланган.

Тўпламда кибержиноятларнинг криминологик хусусиятлари, рақамли далиллар билан ишлашнинг ҳуқуқий жиҳатлари, сунъий интеллект ва ҳуқуқни қўллаш амалиёти, киберхавфсизликка оид халқаро тажриба ва миллий қонунчилик каби долзарб мавзулар ёритилган. Шунингдек, тўпламда юридик фаннинг турли йўналишларига оид бошқа долзарб муаммолар ҳамда улар бўйича тўпланган илмий ва амалий тажрибалар таҳлил этилган.

Мазкур нашр прокуратура, ички ишлар ва суд-ҳуқуқ тизими ходимлари, олий таълим муассасалари ўқитувчилари ҳамда талабалари учун фойдали илмий-амалий қўлланма сифатида хизмат қилади.