Жиноятчилик содир этилиши сабабларини тизимли таҳлил қилиш бўйича эксперт-таҳлил гуруҳининг йиғилиши

Жорий йилнинг 22 декабрь куни Ўзбекистон халқаро ислом академиясида Ўзбекистон Республикаси Президентининг 2018 йил 31 октябрдаги “Жиноий-ҳуқуқий статистика тизимини тубдан такомиллаштириш ва жиноятларни тизимли таҳлил қилиш самарадорлигини ошириш чора-тадбирлари тўғрисида”ги ПФ-5566-сонли Фармони ижроси доирасида ташкил этилган Шайхонтоҳур тумани жиноятчилик содир этилиши сабабларини тизимли таҳлил қилиш эксперт-таҳлил гуруҳининг навбатдаги йиғилиши бўлиб ўтди.

Йиғилишда жамоатчилик асосида фаолият юритадиган туман эксперт-таҳлил гуруҳи таркибидаги прокуратура, ички ишлар, солиқ, соғлиқни сақлаш, бандлик ва меҳнат муносабатлари, таълим органлари, хотин-қизлар қўмитаси, ўзини-ўзи бошқариш органлари, “Нуроний” жамғармаси, Ёшлар иттифоқи вакиллари иштирок этди.

Шунингдек, тадбирда Бош прокуратура Академиясининг Жиноятларнинг содир этилиши сабабларини тизимли таҳлил қилиш ва ўрганиш маркази, Ўзбекистон халқаро ислом академияси ва диний соҳа вакиллари иштирок этди.

Йиғилиш иштирокчилари тумандаги жиноятчилик ҳолатини муҳокама қилиб, жиноятларни олдини олиш ва унга қарши курашиш механизмлари, жиноий-ҳуқуқий статистикани юритиш ва жиноятларни таҳлил қилиш жараёни, ҳуқуқбузарликлар профилактикаси юзасидан батафсил маълумот олишди.

Тадбир жараёнида диний соҳа вакилларининг муқаддам судланган ҳамда ҳуқуқбузарликлар содир этишга мойил бўлган шахслар билан тарбиявий ишлар олиб боришлари масалаларига алоҳида эътибор қаратилди.