Академия UI/UX дизайнер вазифасига танлов эълон қилади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига мувофиқ ташкил этилган.

Академияда рақамли таълим тизимларини жорий этиш ва уларни ривожлантириш доирасида юқори малакали UI/UX дизайнери мутахассислиги бўйича вақтинчалик асосда мутахассис жалб этиш зарурати мавжуд.

Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик-ҳуқуқий шартнома имзоланади.

Мутахассис қуйидаги вазифаларни бажариши лозим:

·         Таълим платформалари ва ахборот тизимлари учун фойдаланувчига қулай веб ва мобиль интерфейсларни лойиҳалаш ва модернизация қилиш;

·         “Figma”, “Adobe XD” каби воситалар ёрдамида “UI” макетларини яратиш ва прототиплаш;

·         “Front-end” дастурчилар билан ҳамкорликда дизайнлар ишлаб чиқиш ва амалиётга жорий этиш;

·         Фойдаланувчи тажрибасини таҳлил қилиш, юз бериши мумкин бўлган муаммоларни аниқлаш ва таклифлар бериш;

·         Тизимлар учун “дизайн гайдлайн”, “UI компонентлар кутубхонаси”ни яратиш ва юритиш;

·         Респондентлар билан “фокус гуруҳ”лар ва “тест сессия”лар ўтказишда иштирок этиш.

·         Бажариладиган иш ҳажмидан келиб чиқиб, мутахассисга бошқа вазифалар ҳам юклатилиши мумкин.

Номзодга қўйиладиган талаблар:

·         “UI/UX” соҳасида олий маълумот ёки тегишли курс/сертификатга эга бўлиш;

·         “Figma”, “Adobe XD”, “Photoshop”, “Illustrator” каби воситалар билан ишлаш тажрибаси (камида 3 йиллик);

·         Веб ва мобиль иловалар интерфейси бўйича (responsive design, accessibility, usability) камида 2 йиллик иш тажрибаси;

·         “HTML”, “CSS”, “JavaScript” асослари ҳақида тушунчага, шунингдек, “Git” орқали жамоавий ишлаш тажрибаси  эга номзодларга танлов жараёнида афзаллик берилади;

·         “UX” тадқиқотлари, “wireframing”, “prototyping”, “user flow” ва “usability testing” жараёнлари ҳақида тўлиқ маълумотга эга бўлишлик.

Иш шартлари:

·         Бажариладиган иш муддати – 6 (олти) ой. Келгусида, зарурат туғилса, номзод меҳнат шартномаси асосида ишга қабул қилиниши мумкин.

·         Бажарилган иш учун тўлов миқдори тарафлар келишуви билан белгиланади.

·         Иш вақти – ҳафтасига 5 кун, кунига 8 соат (40 соатлик иш тартиби).

·         Иш жойи – Академия биносида шахсан бўлиш ёки шартномада кўрсатилган ҳолда гибрид шаклда ишлаш.

Номзодлар қуйидаги шахсий сифатларга эга бўлишлари лозим:

·         Ташаббускорлик, жамоа билан ишлаш қобилияти;

·         Мустақил фикрлаш ва ижодкорлик;

·         Масъулият ва белгиланган вазифаларни ўз вақтида ва аниқ бажариш.

Танловга қуйидаги ҳужжатлар тақдим этилади:

·         Номзоднинг шахсни тасдиқловчи ҳужжати (паспорт ёки ID карта);

·         Иш ва ўқиш фаолияти ҳақида маълумотнома (объективка ёки резюме;

·         Олий маълумот ҳақида диплом ва иловаси (сертификатлар бўлса, улар ҳам тақдим қилинади);

·         Меҳнат дафтарчасидан кўчирма (бор бўлса, mygov.uz сайти орқали);

·         СТИР маълумотномаси.

Ҳужжатларни топшириш муддати – 2026 йил 5 январь.
Манзил: Тошкент ш., Юнусобод тумани, Рихсилий кўчаси, 9.  Академия АКТ ва АХТ бўлими
Телефон: 71 202-04-96 (1761)