Академия Ахборот тизимлари учун техник топшириқ ишлаб чиқиш бўйича мутахассис вазифасига танлов эълон қилади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига мувофиқ ташкил этилган бўлиб, бугунги кунда Академияда рақамли таълим платформаларини яратиш, мавжуд ахборот тизимларини такомиллаштириш ва янги лойиҳаларни амалга ошириш жараёнларини тизимли йўлга қўйиш мақсадида Ахборот тизимлари учун техник топшириқ (ТЗ) ишлаб чиқиш бўйича юқори малакали таҳлилчи муҳандисни вақтинчалик асосда жалб этиш зарурати мавжуд.

Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик-ҳуқуқий шартнома имзоланади.

Мутахассис қуйидаги вазифаларни бажаради:

Ахборот тизимлари, веб-порталлар, мобил иловалар ва таълим платформалари учун техник топшириқ (ТТ)лар ишлаб чиқиш;

Бизнес-жараёнларни таҳлил қилиш, талабларни тўплаш, функционал ва нотафункционал талабларни аниқ шакллантириш;

Стейкхолдерлар, бўлимлар ва экспертлар билан муҳокама ўтказиш, талабларни мувофиқлаштириш;

Тизим архитектураси, маълумотлар оқими (DFD), UML диаграммалар, интеграция чизмаларини тайёрлаш;

API, модуллар ва микросервислар учун техник талабларни ишлаб чиқиш;

Тизимлар ўртасида интеграция (SSO, API Gateway, external services) ечимларини муайянлаштириш;

ТТ асосида лойиҳа ишлаб чиқувчилар фаолиятини мувофиқлаштириш ва техник назоратда иштирок этиш;

Тест сценарийлари (test case), қабул қилиш мезонлари (acceptance criteria) ва иш жараёни логикасини шакллантириш;

Тизимни жорий этиш жараёнида техник ёрдам ва методик кўмаклашиш.

Номзодга қўйиладиган талаблар:

Ахборот технологиялари, дастурий муҳандислик, бизнес-талаблар таҳлили ва шу каби йўналишда олий маълумотга эга бўлишлик;

Техник топшириқ, функционал талаблар, техник ҳужжатлар тайёрлаш соҳасида  камида 3 йиллик иш тажрибаси;

UML, BPMN, DFD, ERD каби моделлаштириш воситалар билан ишлаш кўникмасига эга бўлиш;

Ахборот тизимлари архитектураси, интеграция жараёнлари ва API тузилиши бўйича тушунчага эга бўлиш;

Front-end ва Back-end ишлаш принциплари ҳақида умумий техник билимларга эгалик;

SQL асослари, маълумотлар базаси тузилиши, логик чизмаларни тушуниш;

“Jira”, “Confluence”, “Notion”, “Figma”, “Draw.io” каби воситаларни қўллай олиш кўникмалари;

Техник таҳлил, муаммоларни аниқлаш ва ечим таклиф қилиш бўйича кучли компетенция.

Иш шартлари:

Иш муддати – 6 (олти) ой. Келгусида заруратга кўра, номзод меҳнат шартномаси асосида ишга қабул қилиниши мумкин.

Бажарилган иш учун тўлов миқдори тарафлар келишуви билан белгиланади.

Иш вақти – ҳафтасига 5 кун, кунига 8 соат (40 соатлик иш тартиби).

Иш жойи – Академия биносида шахсан ёки шартномада кўрсатилган ҳолда гибрид шаклда ишлаш.

Номзодлар қуйидаги шахсий сифатларга эга бўлиши лозим:

Таҳлилий фикрлаш ва мантиқий ёндашув;

Жамоа билан самарали мулоқот қилиш қобилияти;

Масъулият, қатьятлик ва вазифаларни белгиланган муддатларда бажариш;

Ташаббускорлик ва муаммоларга ечим топишга интилиш.

Ҳужжатлар рўйхати:

Шахсни тасдиқловчи ҳужжат (паспорт ёки ID карта);

Объективка (резюме);

Олий маълумот дипломи ва иловаси (ёки сертификатлар);

Меҳнат дафтарчасидан кўчирма (mygov.uz сайтидан олинади);

СТИР маълумотномаси.

Ҳужжатларни топшириш муддати – 2026 йил 5 январь.

Манзил: Тошкент ш., Юнусобод тумани, Рихсилий кўчаси, 9. Академия АКТ ва АХТ бўлими

Телефон: 71 202-04-96 (1761)