Халқаро ҳамкорлик ва таълим соҳасидаги янги ташаббуслар

Академияда БМТнинг Гиёҳвандлик ва жиноятчилик бўйича бошқармаси (UNODC) минтақавий ваколатхонаси раҳбари О.Штольпе ҳамда АҚШ Давлат департаменти Халқаро наркотик моддалар ва ҳуқуқни муҳофаза қилиш ишлари бўйича бюроси (INL) Тошкентдаги бўлими директори Н.Реттенмайер билан учрашув ўтказилди.

Учрашув Академияда жорий йилнинг 12-16 январь кунлари UNODC ва INL кўмагида прокуратура органлари терговчилари ҳамда ИИВ тизими эксперт-криминалистлари учун "Ҳодиса жойини бошқариш ва кўздан кечириш" мавзусида бўлиб ўтаётган семинар-тренинг доирасида ташкил этилди.

Тадбирда UNODC ва INL билан келгуси ҳамкорлик масалалари, шу жумладан Академияни халқаро таълим хабига айлантириш, ҳамкорликда миллий ҳамда хорижий ҳуқуқни муҳофаза қилувчи органлар ходимлари салоҳиятини оширишга қаратилган лойиҳаларни амалга ошириш масалалари муҳокама қилинди.