Таълим ва кадрлар тайёрлаш соҳасида БМТ билан ҳамкорлик истиқболлари муҳокама қилинди

Ўзбекистон Республикаси Ҳуқуқни муҳофаза қилиш академиясида Бирлашган Миллатлар Ташкилотининг Ўзбекистондаги доимий координатори Сабине Маҳл, шунингдек «Ишонч» жамғармаси котибияти раҳбари Ёнас Аструп билан учрашув бўлиб ўтди.

Учрашув давомида ҳамкорликни янада ривожлантириш ва устувор йўналишларда амалий ўзаро ҳамкорликни кенгайтириш истиқболлари муҳокама қилинди. Асосий эътибор БМТ тузилмалари билан ҳамкорликда амалга оширилаётган қўшма лойиҳаларга қаратилди, жумладан Академиянинг халқаро таълим хаби сифатидаги салоҳиятини ривожлантириш, миллий ҳамда хорижий ҳуқуқни муҳофаза қилувчи органлар ходимларининг малакасини ошириш масалалари кўриб чиқилди.

Шунингдек, БМТ тузилмалари ва ҳамкор ташкилотлар иштирокида барқарор таълим ҳамда илмий-амалий ташаббусларини шакллантириш масалалари муҳокама қилинди.

Учрашув якунлари бўйича томонлар шериклик муносабатларини янада ривожлантириш ва келишилган устувор йўналишларда амалий ҳамкорликни давом эттиришга келишиб олдилар.