Докторлик диссертацияси ҳимояси

2018 йил 24 декабрь куни Ўзбекистон Республикаси Бош прокуратураси Академияси ҳузуридаги илмий даражалар берувчи 12.00.07 – “Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура” ихтисослиги бўйича Илмий кенгашнинг навбатдаги йиғилиши бўлиб ўтди.

Йиғилишда мустақил изланувчи Ж.Х. Абдураҳмонхўжаевнинг “Ўзбекистонда судьялар корпусини шакллантиришни такомиллаштириш ва уларнинг мустақиллигини таъминлаш” мавзусидаги юридик фанлар бўйича фалсафа доктори (PhD) диссертацияси муҳокама қилинди.

Диссертацияни ҳимоя қилиш жараёни илмий мунозара тарзида, юксак талабчанлик, қатъийлик, илмий ахлоқ-одобга риоя этилган ҳолда ўтди. Кенгаш аъзолари томонидан диссертациядаги аксарият илмий ва амалий хулосалар ҳамда тавсияларнинг асосланганлиги алоҳида эътироф этилди.

Ушбу илмий иш Бош прокуратура Академиясида 12.00.07 – “Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура” ихтисослиги бўйича ҳимоя қилинган биринчи тадқиқот иши бўлди.

Шу билан бирга, йиғилишда Бош прокуратура Академияси ҳузуридаги илмий даражалар берувчи Илмий кенгашнинг йиллик ҳисоботи кўриб чиқилди ва тасдиқланди.