Сунъий интеллект асосида масофавий курслар учун контент ишлаб чиқувчи мутахассис вазифасига танлов эълон қилинади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академиясида талабалар, прокуратура органлари ходимлари, шунингдек, бошқа ҳуқуқни муҳофаза қилувчи органларнинг суриштирувчилари ва терговчилари учун масофавий таълим курслари жорий этилган бщлиб, айни пайтда мазкур масофавий курсларни замонавий талаблар ва рақамли трансформация жараёнларига мувофиқ равишда такомиллаштириш зарурати мавжуд. 

Хусусан, масофавий курслар мазмунини сунъий интеллект технологияларидан фойдаланган ҳолда ишлаб чиқиш ва такомиллаштириш бўйича малакали мутахассисни ишга жалб этиш эҳтиёжи юзага келган.

Танлов талабларига мувофиқ тақдим этилган ҳужжатлар кўриб чиқилиб, маъқулланган тақдирда, номзод билан Академия ўртасида икки томонлама фуқаролик-ҳуқуқий шартнома тузилади.

Мутахассис қуйидаги вазифаларни бажариши лозим:

сунъий интеллект асосида ишлаб чиқиладиган рақамли таълим контентига қўйиладиган талабларни ишлаб чиқиш, шунингдек, мазкур йўналишда профессор-ўқитувчиларга методик ёрдам кўрсатиш.

сунъий интеллект асосида видео материаллар (AI ассистентлар, анимация ва бошқа)ни ишлаб чиқиш, уларни монтаж қилиш, таҳрирлаш ҳамда белгиланган сифат стандартларига мувофиқ оптималлаштириш;

рақамли таълим контентни ҳуқуқни муҳофаза қилувчи органларнинг фаолият хусусиятлари, махсус кийим-бош ва асбоб-ускуналари, шунингдек, прокуратура органларида хизматни амалга оширишнинг ўзига хос жиҳатларини инобатга олган ҳолда миллий контекстга мослаштириб ишлаб чиқиш.

сунъий интеллектга асосланган виртуал ассистентлар ёрдамида кўп тилли форматда (ўзбек, рус, инглиз ва бошқа тилларда) таълим контентини яратиш;

яратилган таълим контентларини оммалаштириш мақсадида қисқа реклама видеолари ишлаб чиқиш ҳамда уларни ижтимоий тармоқлар талабларига мувофиқ форматлаш;

сунъий интеллект соҳасидаги янги технологияларни мунтазам ўрганиб бориш ва уларни амалиётга жорий этиш;

бажарилган ишлар бўйича ҳисоботлар тайёрлаш ҳамда уларни белгиланган муддатларда Академиянинг электрон таълим бўлимига тақдим этиш.

Номзодга қўйиладиган талаблар:

олий маълумотга эга бўлиши;

видеомонтаж ҳамда рақамли таълим контентларини ишлаб чиқиш бўйича амалий иш тажрибасига эга бўлиши;

қуйидаги сунъий интеллект платформаларида ишлаш кўникмасига эга бўлиши: ChatGPT, Midjourney, DALL·E, Runway, Synthesia, HeyGen, Adobe Firefly, VEO-3, NanoBanana ва бошқалар;

Академия профессор-ўқитувчилари билан самарали ҳамкорлик қила олиш, ижодий ва креатив фикрлаш, масъулиятли бўлиш ҳамда юклатилган вазифаларни белгиланган муддатларда ва юқори сифат даражасида бажара олиш.

Иш шартлари:

иш муддати – 3 (уч) ой; (келгусида зарурат туғилган тақдирда, номзод меҳнат шартномаси асосида ишга қабул қилиниши мумкин);

иш вақти – ҳафтасига 5 иш куни, кунига 8 соат (40 соатлик иш ҳафтаси);

иш жойи – шартномада белгиланган тартибда бевосита Академияда, шунингдек, Академия раҳбарияти розилиги билан масофавий шаклда ишлаш имконияти мавжуд.

Номзодлар қуйидаги шахсий сифатларга эга бўлишлари лозим:

ташаббускорлик ва жамоа билан самарали ишлаш қобилияти;

мустақил фикрлаш ва ижодкорлик;

масъулиятлилик ҳамда белгиланган вазифаларни ўз вақтида ва аниқ бажариш интизоми.

Танловга қуйидаги ҳужжатлар тақдим этилади:

номзоднинг шахсни тасдиқловчи ҳужжати (паспорт ёки ID-карта);

иш ва ўқиш фаолияти тўғрисида маълумотнома (резюме ёки объективка);

олий маълумот тўғрисидаги диплом ва унинг иловаси (мавжуд бўлса, қўшимча сертификатлар ҳам тақдим этилади);

меҳнат дафтарчасидан кўчирма (мавжуд бўлган тақдирда, mygov.uz портали орқали);

СТИР тўғрисидаги маълумотнома.

Ҳужжатларни топшириш муддати – 2026 йил 13 февраль (шу куни ҳам қабул қилинади).

Манзил: Тошкент шаҳри. Юнусобод тумани, Рихсилий кўчаси, 9-уй (мўлжал: эски “Зенит” заводи).

Телефон: 71-202-04-96 (1755); 93-540-35-39.