Ўзбекистон Республикаси Ҳуқуқни муҳофаза қилиш академияси Ёшлар билан ишлаш, маънавият ва маърифат бўлимига тьютор вазифасига танлов эълон қилинади

Ҳозирги вақтда Ҳуқуқни муҳофаза қилиш академияси фаолиятига Ёшлар билан ишлаш, маънавият ва маърифат бўлими тьютори жалб қилиш зарурати мавжуд.

Тьютор қуйидаги вазифаларни бажаради:

Таълим олувчиларнинг маънавий, ахлоқий ва касбий тарбияси билан мунтазам шуғулланиш.

Таълим олувчиларнинг ўқув, маънавий ва илмий фаолиятини мувофиқлаштириш ва мониторинг қилиб бориш.

Таълим олувчиларнинг ўзлаштириши ва дарсларда иштирок этишини мунтазам назорат қилиб бориш ҳамда таҳлил этиш.

Ётоқхонада, ижара, яқин қариндоши ва ўз уйида яшовчи таълим олувчиларнинг яшаш манзилларига мунтазам (ҳар икки ойда камида бир маротаба) бориб, у ердаги шароитларни ўрганиб бориш ва уларни яхшилаш чораларини кўриш.

Ўзига бириктирилган гуруҳлардаги таълим олувчилар билан режа-жадвал асосида маънавий-маърифий ва ижтимоий-сиёсий йўналишларда суҳбатлар ўтказиб бориш, таълим олувчиларнинг ота-оналари билан мунтазам равишда мулоқотлар ташкил этиш.

Гуруҳларда дарс жадвали асосида ҳар ҳафтада бир марта “Ахборот ва мураббийлик соати”, “Софт скиллс” тренинглари ўтилишини ташкил этиш ҳамда унинг самарадорлигини таъминлаш.

Тьюторлик гуруҳларидаги таълим олувчиларнинг индивидуал йиғма жилдини (портфолиоси) шакллантириш ва юритиш, “Тьюторлик соатлари” дарси ва иш режасидаги тадбирларни қайд қилиш журналини юритиб бориш.

Таълим олувчиларнинг одоби, хулқи, Ички тартиб қоидаларга риоя этиши юзасидан ота-оналар билан мунтазам учрашиб тегишли маълумотларни етказиш.

Таълим олувчилар ва уларнинг ота-оналарини ёки бошқа қонуний вакилларини Ички тартиб қоидалари, Академия Ётоқхонаси ички тартиб қоидалари ва таълим фаолиятини тартибга солувчи бошқа норматив ҳужжатлар билан таништириш.

Таълим олувчилар билан боғлиқ фавқулодда муаммоли вазиятлар юзасидан зудлик билан Академия раҳбариятига ахборот бериш.

Таълим олувчилар ўртасида ҳуқуқбузарлик ва жиноятчиликнинг ҳамда диний экстремизмнинг олдини олиш бўйича соҳа мутахассислари иштирокида мунтазам тушунтириш ишларини олиб бориш.

Алкоголь, тамаки ва психотроп воситалар истеъмол қилишнинг зарарли оқибатлари хусусида доимий профилактик ишларни ташкил этиш.

Моддий ёрдамга муҳтож таълим олувчиларни аниқлаш, уларни ижтимоий жиҳатдан қўллаб-қувватлаш бўйича Раҳбариятга таклиф киритиш.

Таълим олувчиларнинг Ички тартиб қоидалари ва бошқа ички (локал) ҳужжатларда белгиланган талабларга мос равишда бўлишларини назорат қилиш ва ушбу ҳужжатларни бузган таълим олувчиларга тегишли чоралар кўриш юзасидан таклиф киритиш.

Ўзи масъул этиб белгиланган таълим олувчилар клуби ва тўгараклар ишини ташкил этиш, уларга таълим олувчилар аъзолигини максимал даражада таъминлаш ва таълим олувчиларнинг ушбу тўгараклар фаолиятидаги иштироки мониторингини юритиш.

Ўз маҳорати, касбий тайёргарлиги, назарий билим ва иш тажрибасини доимий равишда ошириб бориш.

Тьютор ўз фаолиятида амалдаги қонун ҳужжатлари, Академия локал ҳужжатлари ҳамда бошқа мажбуриятларни ҳам бажаради.

Номзодга қўйиладиган талаблар:

Тьюторлар олий маълумотга эга бўлиши.

25 ёшдан кичик, 55 ёшдан катта бўлмаслиги.

педагогик ва психологик, ўқув-тарбиявий, ўқув-услубий, таълим тизимида бошқарув фаолияти билан шуғулланган, ёшлар масалалари ва маънавий-маърифий йўналишда 2 йилдан кам бўлмаган меҳнат стажига эга бўлиши.

қонунчилик ҳужжатларига мувофиқ таълим бериш ҳуқуқидан маҳрум этилмаган бўлиши.

масъулият ҳисси, мустақил иш тутиш хусусиятларига эга бўлиши.

Тьюторликка ишга қабул қилиш Академия ички локал ҳужжатларида белгиланган тартибда амалга оширилади ва Академия раҳбари буйруғи билан амалга оширилади.

Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш,

Иш вақти: ҳафтасига 40 соатлик, 5 кунлик иш режимини ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий маълумот ҳақида диплом ва унинг иловаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати 2026 йил 27 февралга қадар.

Манзил: Тошкент ш. Юнусобод тумани Рихсили 9.

Тел.: 71 202 04 96 (1972)