Ҳуқуқни муҳофаза қилиш академияси Юридик клиникада фуқароларга бепул ҳуқуқий ёрдам кўрсатиш учун мутахассисни жалб этиш мақсадида танлов эълон қилади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси Юридик клиникасида талаба ва тингловчилар томонидан малакали мутахассислар мураббийлиги остида аҳолига беғараз ҳуқуқий ёрдам кўрсатилади. 

Ҳозирги вақтда Академия фаолиятига Юридик клиникада фуқароларга беғараз ҳуқуқий ёрдам кўрсатиш соҳасида хизмат кўрсатувчи малакали мутахассис жалб қилиш эҳтиёжи мавжуд.

Мутахассис қуйидаги вазифаларни бажаради:

Юридик клиникада ишларни ташкиллаштириш, талаба ва тингловчилар ўртасида меҳнат ва ижро нтизомига риоя этилишини таъминлаш;

Юридик клиника аъзоларига вазифаларни тақсимлаш ва улар ижросини назорат қилиш;

Юридик клиника олдига қўйилган вазифалар ижросини самарали амалга ошириш чораларини кўриш ва фаолиятни ўқув-услубий таъминлашда фаол иштирок этиш;

Юридик клиникада фуқароларга бепул ҳуқуқий ёрдам кўрсатишни ўкув-услубий таъминлаш;

Юридик клиникага жалб қилинган талаба ва тингловчилар иштирокида семинар-тренинглар машғулотларини ўтказиш;

Юридик клиникага жалб қилинган талаба ва тингловчилар учун сайёр машғулотлар ўтказилишини ташкил этиш;

Академия масъул ходими назорати остида Юридик клиника электрон портали орқали келиб тушган мурожаатларни кўриб чиқиш
ва уларнинг профессор-ўқитувчилар кесимида тақсимланишини ташкил этиш;

Фуқароларга бепул ҳуқуқий маслаҳат бериш соҳасида аниқланган муаммоларни таҳлил қилиш ва уларни бартараф этиш бўйича таклифлар тайёрлаш;

Юридик клиника фаолияти самарадорлигини янада ошириш ва Юридик клиника аъзоларини рағбатлантириш чораларини кўриш учун таклифлар киритиш;

Юридик клиник таълим соҳасида миллий ва халқаро грант ва лойиҳалар ишлаб чиқиш ва уларда иштирок этиш бўйича миллий ва халқаро илмий-таълим муаасасалари билан ҳамкорликни ташкил этишда амалий ёрдам кўрсатиш.

Номзодга қўйиладиган талаблар:

Номзод олий (ёки тугалланмаган олий) ёки ўрта (ёки ўрта махсус) маълумотга эга бўлиши.

18 ёшдан кичик, 55 ёшдан катта бўлмаслиги.

Ўз фаолияти соҳасида замонавий техникалар ва дастурларда ишлаш кўникмаларига эга бўлиши.

Прокуратура органларида мутахассис сифатида жалб қилинган ходим сифатида намунавий шахсий фазилатларга эга бўлиш.

Муқаддам шу соҳада ишлаганлик ва амалий тажрибага эга бўлиши номзод учун афзаллик беради.

Бажариладиган иш муддати: мазкур иш муддати 6 ойга белгиланган бўлиб, келгусида заруратга кўра, фуқаро меҳнат шартномаси асосида Академияга ишга қабул қилиниши мумкин.

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: масъулият ва профессионализм, ташаббускорлик, жамоа билан ҳамнафас ишлаш, берилган топшириқларни ўз вақтида ва сифатли бажариш.

Иш вақти: ҳафтасига 5 кун, кунига 8 соат (40 соатлик иш ҳафтаси).

Талабгор Академия Юридик бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида ҳужжат (унинг иловаси), меҳнат дафтарчаси нусхаси, СТИР, ПИНФЛ маълумотномаси) ни тақдим этиши лозим. Тақдим этилган ҳужжатлар ўрганиб чиқилганидан сўнг, заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати – 2026 йил 28 февраль (шу куни ҳам).

Манзил: Тошкент ш. Юнусобод тумани Рихсилий кўчаси, 9-уй (мўлжал: эски Зенит заводи).

Душанба-жума кунлари соат 10:00 дан 17:00 гача

Мурожаат учун тел.: 71-202-04-96 (1722)