Академияда Президентнинг ёшлар билан учрашувида белгиланган вазифалар ижроси бўйича устувор йўналишлар белгилаб олинди

Академияда Бош прокурор ўринбосари С.И.Самадов иштирокида 2026 йил 24 февраль куни «Кўксарой» қароргоҳида Ўзбекистон Республикаси Президенти Шавкат Мирзиёевнинг ёшлар билан учрашувида белгиланган вазифаларнинг тизимли ижросини таъминлашга бағишланган ишчи йиғилиш бўлиб ўтди.

Йиғилиш давомида ёшларнинг илмий-тадқиқот фаоллигини ошириш, уларнинг ташаббусларини институционал қўллаб-қувватлаш механизмларини кенгайтириш, инновацион ишланмаларни амалиётга жорий этиш ҳамда рақобатбардош кадрлар тайёрлаш тизимини янада такомиллаштириш масалалари кўриб чиқилди.

Президент топшириқларидан келиб чиқиб, устувор ташкилий-амалий чоралар белгилаб олинди ва масъул бўлинмаларга тегишли вазифалар юклатилди. Хусусан, ёш олимларни қўллаб-қувватлашга қаратилган комплекс дастурларни ишлаб чиқиш, илмий лойиҳаларни молиявий ва ташкилий рағбатлантиришнинг барқарор механизмларини шакллантириш ҳамда қулай илмий-таълим муҳитини яратиш зарурлиги қайд этилди.

Шунингдек, ҳар пайшанба куни «Ёшлар куни» деб эълон қилингани алоҳида таъкидланди. Мазкур ташаббус доирасида талабалар стартапларини тизимли қўллаб-қувватлаш, ёшларни спортга кенг жалб этиш ва талабалар-спортчилар салоҳиятини ривожлантириш учун қўшимча имкониятлар яратиш назарда тутилган.

Йиғилиш якунида С.И.Самадов ёшлар билан ишлашнинг яхлит тизимини янада мустаҳкамлаш, истиқболли ғояларни амалий лойиҳаларга айлантиришга қаратилган механизмларни фаоллаштириш зарурлигини таъкидлади.

Йиғилиш якунлари бўйича талабаларнинг илмий ва инновацион салоҳиятини ривожлантириш, ташаббусларини қўллаб-қувватлаш ҳамда юқори профессионал натижаларга эришиши учун шароит яратишга қаратилган вазифалар белгилаб олинди.