Академия ҳузуридаги тайёрлов курслари учун педагог-мутахассис вазифасига танлов эълон қилинади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси ҳузурида ташкил этилаётган тайёрлов курсларида давлат ва ҳуқуқ асослари, психологик тайёргарлик ҳамда академик ёзув фанлари бўйича юқори сифатли таълим бериш ва тингловчиларни кириш имтиҳонларига самарали тайёрлаш мақсадида малакали педагог-мутахассисларни жалб этиш зарурати мавжуд.

Танлов талабларига мувофиқ тақдим этилган ҳужжатлар кўриб чиқилиб, маъқулланган тақдирда, номзод билан Академия ўртасида икки томонлама фуқаролик-ҳуқуқий шартнома тузилади.

Мутахассис қуйидаги вазифаларни бажариши лозим:

бириктирилган фан бўйича ўқув режа ва дастурларни шакллантириш;

тасдиқланган дастур асосида назарий ва амалий машғулотларни замонавий интерфаол усулларда олиб бориш;

тингловчиларни Академия ва бошқа ҳуқуқни муҳофаза қилувчи органлар олийгоҳларининг кириш имтиҳонларига сифатли тайёрлаш;

ўқув-услубий материаллар (презентациялар, тестлар, тарқатма материаллар) ишлаб чиқиш ва уларни доимий янгилаб бориш;

тингловчиларнинг ўзлаштириш даражасини холис баҳолаш ва мониторинг қилиб бориш.

Номзодга қўйиладиган талаблар:

тегишли фан йўналиши бўйича олий маълумотга эга бўлиши;

абитуриентларни олий ўқув юртларига тайёрлаш бўйича камида 2 йиллик педагогик тажрибага эга бўлиши;

замонавий таълим технологиялари ва интерфаол методлардан фойдалана олиш кўникмасига эга бўлиши;

рус ва ўзбек тилларида дарс ўтиш қобилиятига эга бўлиши.

Иш шартлари:

иш муддати 3 (уч) ой (келгусида зарурат туғилган тақдирда, номзод меҳнат шартномаси асосида ишга қабул қилиниши мумкин);

иш вақти дарс жадвалига мувофиқ, томонларнинг ўзаро келишуви асосида белгиланади;

иш ҳақи: қатъий белгиланган ойлик маош + ўзи дарс бераётган гуруҳлардаги тингловчилар сонига қараб бонус устамалар (сумма суҳбат давомида келишилади).

Номзодлар қуйидаги шахсий сифатларга эга бўлишлари лозим:

педагогик этика ва юқори масъулият;

ижодий ва инновацион ёндашув;

масъулиятлилик ҳамда белгиланган вазифаларни ўз вақтида ва аниқ бажариш интизоми.

Танловга қуйидаги ҳужжатлар тақдим этилади:

номзоднинг шахсни тасдиқловчи ҳужжати (паспорт ёки ID-карта);

  иш ва ўқиш фаолияти тўғрисида маълумотнома (резюме ёки объективка);

  олий маълумот тўғрисидаги диплом ва унинг иловаси (мавжуд бўлса, қўшимча сертификатлар ҳам тақдим этилади);

  меҳнат дафтарчасидан кўчирма (мавжуд бўлган тақдирда, mygov.uz портали орқали);

  СТИР тўғрисидаги маълумотнома.

Ҳужжатларни топшириш муддати: 2026 йил 5 март (шу куни ҳам қабул қилинади).

Манзил: Тошкент шаҳри, Юнусобод тумани, Рихсилий кўчаси, 9-уй (мўлжал: эски «Зенит» заводи).

Тел.: 71-202-04-96 ; 94-799-66-33.