Академия ҳузуридаги тайёрлов курслари учун администратор вазифасига танлов эълон қилинади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси ҳузурида ташкил этилаётган тайёрлов курсларида номзодлар ва уларнинг вакиллари билан ишлаш, ҳужжатларни қабул қилиш ва юритиш, тингловчилар маълумотлар базасини шакллантириш ҳамда ўқув жараёнини ташкилий жиҳатдан таъминлаш мақсадида маъмурий ишларни бажарадиган мутахассисни жалб этиш зарурати мавжуд.

Танлов талабларига мувофиқ тақдим этилган ҳужжатлар кўриб чиқилиб, маъқулланган тақдирда, номзод билан Академия ўртасида икки томонлама фуқаролик-ҳуқуқий шартнома тузилади.

Мутахассис қуйидаги вазифаларни бажариши лозим:

курсларда ўқиш учун номзодлар ва уларнинг вакилларига қабул тартиби ҳамда бошқа зарур маълумотларни тақдим этиш, тавсия ва маслаҳатлар бериш;

номзодлардан ҳужжатларни қабул қилиб олиш, уларни рўйхатга киритиш ва ўқув гуруҳларини шакллантириш;

тингловчилар билан шартномалар тузиш жараёнини ташкил этиш ва тўлов интизомини назорат қилиб бориш;

тингловчиларнинг маълумотлар базасини юритиш ва давоматни қатъий назорат қилиш;

ўқув хоналарининг машғулотларга тайёрлигини таъминлаш ва дарс жадвалидаги ўзгаришлар ҳақида тингловчилар ҳамда ўқитувчиларни ўз вақтида хабардор қилиш;

Академия раҳбарияти ва курс бошқарувчисининг ташкилий топшириқларини бажариш.

Номзодга қўйиладиган талаблар:

олий ёки ўрта махсус маълумотга эга бўлиши;

мижозлар билан ишлаш соҳасида иш тажрибасига эга бўлиши маъқулланади;

компьютер ва офис дастурларида (Word, Excel) эркин ишлай олиши;

мулоқот учун ўзбек ва рус тилларини яхши билиши;

тингловчилар ва уларнинг ота-оналарига оид шахсий маълумотларнинг конфиденциаллигини таъминлай олиши.

Иш шартлари:

иш муддати 3 (уч) ой (келгусида зарурат туғилган тақдирда, номзод меҳнат шартномаси асосида ишга қабул қилиниши мумкин);

иш вақти ҳафтасига 5 иш куни, кунига 8 соат (40 соатлик иш ҳафтаси);

иш ҳақи: қатъий белгиланган ойлик маош (сумма суҳбат давомида келишилади).

Номзодлар қуйидаги шахсий сифатларга эга бўлишлари лозим:

хушмуомалалик, киришимлилик ва стрессга чидамлилик;

ташаббускорлик ва жамоа билан самарали ишлаш қобилияти;

масъулиятлилик ҳамда белгиланган вазифаларни ўз вақтида ва аниқ бажариш интизоми.

Танловга қуйидаги ҳужжатлар тақдим этилади:

номзоднинг шахсни тасдиқловчи ҳужжати (паспорт ёки ID-карта);

иш ва ўқиш фаолияти тўғрисида маълумотнома (резюме ёки объективка);

маълумоти тўғрисидаги диплом ва унинг иловаси;

меҳнат дафтарчасидан кўчирма (мавжуд бўлган тақдирда, mygov.uz портали орқали);

СТИР тўғрисидаги маълумотнома.

Ҳужжатларни топшириш муддати: 2026 йил 5 март (шу куни ҳам қабул қилинади).

Манзил: Тошкент шаҳри, Юнусобод тумани, Рихсилий кўчаси, 9-уй (мўлжал: эски «Зенит» заводи).

Тел.: 71-202-04-96 ; 94-799-66-33.