Қорақалпоғистон Республикаси прокуратураси органлари ходимлари учун семинар ташкил этилди

Ўзбекистон Республикаси Бош прокуратураси Академияси томонидан Қорақалпоғистон Республикаси прокуратураси органлари ходимларининг билими, касбий тайёргарлиги ва масъулиятини ошириш юзасидан чора-тадбирлар режасининг ижросини таъминлаш юзасидан жорий йилнинг 4 январь куни Нукус шаҳрида Қорақалпоғистон Республикаси прокуратураси органлари ходимлари учун малака ошириш курсларини замон талаблари асосида ташкил этиш масалалари юзасидан семинар ташкил этилди.

Мазкур семинарда прокуратура органлари ходимларининг эҳтиёжлари ва касбий диагностикаси натижаларига ҳамда прокуратура соҳасида назария билан амалиёт интеграциясини таъминлашга қаратилган ўқув машғулотлари, шу жумладан масофавий ўқитиш шакллари платформаси ва бошқа дастурий таъминотлари ишлаб чиқилганлиги ҳамда амалиётга жорий этилаётганлиги, тергов ва терговни назорат қилиш тармоқлари, қонунчилик ижроси устидан назорат, судларда прокурор ваколатини таъминлаш йўналиши ва бошқа соҳавий прокурор ходимлари учун масофавий малака ошириш курсларини ташкил этиш масалалари муҳокама этилди.

Шунингдек, юқорида таъкидланган чора-тадбирда белгиланган вазифаларнинг ижросини таъминлаш мақсадида 2019 йил 16-18 январь кунлари Қорақалпоғистон Республикаси прокуратураси ходимлари учун On-line шаклда масофадан ўқитиш курслари ташкил этилиши ва мазкур курснинг ўқув-методик таъминоти аввалдан мустақил тайёрланиш учун тақдим этилганлиги маълум қилинди. Семинар иштирокчилар билан уларни қизиқтирган саволларга жавоблар бериш, муҳокама шаклида ўтказилиб малака ошириш жараёнини сифатли ташкил ташкил бўйича таклифлар билдирилди.

Семинар якунида прокуратура органлари ходимларининг малакасини ошириш курслари анъанавий курслар билан биргаликда масофавий шаклларда ҳам қисқа муддатли ва даврий малака ошириш курсларини ташкил этиш ишлари кенг жорий этилиши таъкидланди.