Жорий йилнинг 11 март куни Ҳуқуқни муҳофаза қилиш академиясида Тошкент давлат юридик университети ректори, юридик фанлар доктори, профессор Б.К. Ходжаев иштирокида “Ҳуқуқий тадқиқотларнинг замонавий концепцияси” мавзусида семинар-тренинг ташкил этилди.
Тадбирда Академия раҳбарияти, профессор-ўқитувчилар, докторантлар, мустақил изланувчилар ҳамда магистратура тингловчилари иштирок этдилар.
Семинар-тренингни ўтказишдан асосий мақсад тадқиқотчиларга ҳуқуқий тадқиқотларни амалга оширишда замонавий илмий ёндашувлар ва методологиялардан самарали фойдаланиш, илмий изланишларни ташкил этишнинг долзарб масалалари бўйича амалий тавсиялар бериш ҳамда мазкур ёндашувларни илмий-амалий фаолиятга кенг татбиқ этишдан иборат бўлди.
Тадбир давомида ҳуқуқий тадқиқотларнинг замонавий концепцияси, илмий изланишларни режалаштириш ва ташкил этишнинг муҳим жиҳатлари, ҳуқуқий таҳлил усуллари, шунингдек тадқиқот натижаларини амалиётга жорий этиш механизмлари юзасидан атрофлича маълумотлар берилди.
Семинар-тренинг интерактив мулоқот шаклида ўтказилиб, ҳуқуқшунослик соҳасида илмий тадқиқотларни самарали ташкил этиш, долзарб ҳуқуқий муаммоларни илмий асосда ўрганиш, шунингдек халқаро илмий тажрибалардан фойдаланиш масалалари юзасидан иштирокчилар ўртасида фикр алмашинуви ва мунозаралар бўлиб ўтди.
Мазкур тадбир тадқиқотчиларнинг илмий салоҳиятини ошириш, ҳуқуқий тадқиқотларда замонавий методологик ёндашувларни чуқур ўзлаштириш ҳамда уларни амалиётда қўллаш кўникмаларини мустаҳкамлашга, шунингдек илмий-тадқиқот муассасалари ўртасидаги ҳамкорликни янада ривожлантиришга хизмат қилади.