Ўзбекистон Республикаси Ҳуқуқни муҳофаза қилиш академиясида рақамли таълим тизимларини жорий этиш ва уларни ривожлантириш доирасида кенг кўламли ишлар олиб борилаётганлиги муносабати билан, лойиҳа ишлари учун малакали АКТ мутахассисларини жалб этишга эҳтиёж юзага келган.
Тақдим этилган ҳужжатлар маъқулланган тақдирда, мутахассис билан Академия ўртасида икки томонлама фуқаролик-ҳуқуқий шартнома тузилади.
1. Бекенд дастурчи (Java)
Вазифалар:
Таълим платформалари ва ахборот тизимларининг сервер қисмини нолдан лойиҳалаш ва ишлаб чиқиш, шунингдек мавжуд модулларни ривожлантириш ҳамда модернизация қилиш.
Амалдаги кодни таҳлил қилиш, рефакторингни амалга ошириш ва тизимларни микросервис ёки кўп қатламли архитектуранинг замонавий стандартларига мослаштириш.
RESTful API ишлаб чиқиш ҳамда frontend ва мобил иловалар билан ўзаро ишлаш учун WebSocket’dan фойдаланиш.
Давлат ва хусусий ташқи сервислар билан интеграцияни амалга ошириш.
Oracle маълумотлар базаси схемаларини лойиҳалаш ва оптималлаштириш, мураккаб SQL-сўровларни ёзиш ҳамда PL/SQL даражасида бизнес мантиғини амалга ошириш.
Аутентификация протоколларини (Keycloak, JWT, OAuth) жорий этиш, логлаш ва мониторинг тизимларини созлаш, юқори юклама шароитида унумдорликни оптималлаштириш.
Техник ҳужжатлар ва архитектура схемаларини тайёрлаш.
Талаблар:
Ахборот технологиялари соҳасида олий маълумотга эга бўлиш ёки тегишли профиль сертификатларига эга бўлиш;
Java бўйича камида 2–3 йиллик тижорат дастурлаш тажрибасига эга бўлиш;
Spring Boot (Data, Security, MVC), Hibernate/JPA бўйича чуқур билимга эга бўлиш;
Oracle DB, PL/SQL ва Keycloak билан амалий ишлаш тажрибасига эга бўлиш;
Git’ни ишончли даражада билиш;
OOP, SOLID тамойиллари ва лойиҳалаш паттернларини тушуниш;
Жамоада ишлаш, мавжуд кодни таҳлил қилиш ва қўллаб-қувватлаш кўникмаларига эга бўлиш.
2. Frontend дастурчи (Angular)
Вазифалар:
Angular асосида масштабланадиган фойдаланувчи интерфейсларини ишлаб чиқиш.
Веб-платформалар учун мослашувчан ва турли браузерларда тўғри ишлайдиган ечимларни яратиш.
Маълумотларнинг барқарорлиги ва олдиндан бошқарилишини таъминлаш мақсадида илова ҳолатини бошқариш архитектурасини (State Management: NgRx ёки NGXS) жорий этиш.
Backend тизимлар билан REST API орқали интеграция қилиш, аутентификация ва авторизация механизмлари (JWT) билан ишлаш.
Мураккаб динамик формаларни ишлаб чиқиш, фойдаланувчи маълумотларини валидация қилиш ва қайта ишлашни созлаш.
Компонент кутубхоналаридан (Angular Material, PrimeNG) фойдаланиш ҳамда платформанинг ягона UI услубини қўллаб-қувватлаш.
Design Review жараёнида иштирок этиш ва амалга оширилган интерфейснинг тасдиқланган дизайн макетларига мувофиқлигини таъминлаш.
Талаблар:
Angular билан ишлаш бўйича камида 2 йиллик тажриба;
TypeScript, RxJS, HTML5, CSS3 (Tailwind CSS, SASS/SCSS) бўйича ишончли билим;
REST API билан амалий ишлаш тажрибаси;
Ҳолатни бошқариш тизимлари (NgRx ёки NGXS) билан ишлаш тажрибаси;
Git’dan фойдаланган ҳолда жамоавий ишлаб чиқиш тажрибаси;
Мослашувчан верстка ва турли браузерлар учун ишлаб чиқиш тамойилларини тушуниш;
Тоза, қўллаб-қувватлашга қулай ва тузилган код ёзиш кўникмаларига эга бўлиш.
3. UI/UX дизайнер
Вазифалар:
Фойдаланувчи сценарийларини (User Flow) лойиҳалаш, wireframe ва интерактив прототипларни яратиш.
Figma’da веб-платформалар ва мобил иловалар учун визуал концепцияларни ишлаб чиқиш.
Академия лойиҳалари учун ягона дизайн тизимини (компонентлар кутубхонасини) яратиш ва қўллаб-қувватлаш.
Макетларни ишлаб чиқишга топшириш учун тайёрлаш: спецификациялар, оралиқлар, шрифтлар, элемент ҳолатларини тавсифлаш ҳамда график материалларни экспорт қилиш.
Дизайнни турли экран ўлчамлари ва қурилмаларга мослаштириш.
Лойиҳавий ечимларнинг аниқ амалга оширилишини таъминлаш мақсадида дастурчилар билан ҳамкорлик қилиш.
Талаблар:
UI/UX дизайн йўналишида камида 1–2 йиллик иш тажрибаси;
Figma, Adobe Photoshop ва Illustrator дастурларини ишончли даражада билиш;
Веб-платформалар ва мобил иловалар интерфейсларини лойиҳалаш тажрибаси;
UX, usability ва мослашувчан дизайн тамойилларини тушуниш;
Дизайн тизимларини яратиш ва қўллаб-қувватлаш кўникмаларига эга бўлиш;
Амалга оширилган лойиҳаларни ўз ичига олган портфолио бўлиши шарт.
Номзодларга қўйиладиган умумий талаблар:
Масъулият, ташаббускорлик ва тартиблилик;
Жамоада ишлаш ва белгиланган муддатларга риоя этиш қобилияти;
Мустақиллик, аналитик фикрлаш ва натижага йўналтирилганлик.
Иш шартлари:
Бажариладиган иш муддати – 3 (уч) ой;
Бажарилган иш учун тўлов миқдори тарафлар келишуви билан белгиланади;
Иш вақти – ҳафтасига 5 кун, кунига 8 соат (40 соатлик иш тартиби);
Иш формати – Академия биносида шахсан бўлиш ёки шартномада кўрсатилган ҳолда гибрид шаклда ишлаш.
Тақдим этиладиган ҳужжатлар рўйхати:
Номзоднинг шахсни тасдиқловчи ҳужжати (паспорт ёки ID карта);
Резюме (объективка), амалга оширилган лойиҳалар, GitHub ёки портфолио ҳаволалари кўрсатилган ҳолда;
Олий маълумот ҳақида диплом ва иловаси (сертификатлар бўлса, улар ҳам тақдим қилинади);
СТИР тўғрисидаги маълумотнома;
Меҳнат дафтарчасидан кўчирма (агар мавжуд бўлса, mygov.uz сайти орқали олинган).
Ҳужжатларни топшириш муддати: 2026 йил 27 мартгача.
Манзил: Ҳуқуқни муҳофаза қилиш академиясининг АКТ ва АХТ бўлими.
Телефон: 71 202-04-96 (ички 1919), +998 (97) 431-10-70.