Ҳозирги вақтда Ўзбекистон Республикаси Ҳуқуқни муҳофаза қилиш академияси фаолиятига вақтинчалик асосда махсус пуллик ўқув курсларини ташкил этишда ташкилий-услубий ёрдам кўрсатиш бўйича мутахассис жалб қилиш зарурати мавжуд.
Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.
Мутахассиснинг вазифалари:
тижорат банклари, нобанк кредит ташкилотлари, тўлов тизими операторлари ва тўлов ташкилотларининг (кейинги ўринларда – кредит ва тўлов ташкилотлар) жиноий фаолиятдан олинган даромадларни легаллаштиришга ва терроризмни молиялаштиришга (кейинги ўринларда – ЖДЛ/ТМ) қарши курашиш бўйича Ички назорат ва бошқа ходимлари учун Академияда режали асосда ташкил этиладиган махсус пуллик ўқув курслари (кейинги ўринларда – “пуллик ўқув курслар”) ташкил этиш мақсадида Академиянинг илмий салоҳияти ва техник имкониятларини акс эттирувчи тақдимот материалларини тайёрлаш;
пуллик ўқув курслар ташкил этиш учун Республиканинг барча кредит ва тўлов ташкилотлар билан музокаралар олиб бориш, уларга Академиянинг илмий ва техник салоҳиятини ёритиш орқали пуллик ўқув курсларига жалб қилиш;
пуллик ўқув курсларига қизиқиш билдирган кредит ва тўлов ташкилотларининг Ички назорат ходимлари рўйҳатини шакллантириш ва улар билан Академия номидан шартнома шартларини ишчи тартибда келишиш ва имзоланишини ташкиллаштиришда ёрдам кўрсатиш;
пуллик ўқув курсларини ўқув дастурига киритилиши лозим бўлган мавзулар рўйхатини кредит ва тўлов ташкилотларнинг талабларидан келиб чиққан ҳолда шакллантириш, шунингдек ушбу мавзуларнинг контентини яратишга услубий ёрдам кўрсатиш;
пуллик ўқув курсларнинг жозибадорлигини ошириш мақсадида курсларга жалб қилиниши лозим бўлган юқори малака ва кўникмаларга эга маҳаллий эксперт мутахассисларнинг портфелини (мутахассислар иш тажрибаси, фаолият соҳаси, малака сертификатлари ва ҳ.к) шакллантириш;
пуллик ўқув курсларини сифатли ўтказилиши таъминлаш бўйича зарур ташкилий, шу жумладан тўловларнинг ўз вақтида амалга ошириш ва юқори салоҳиятли маҳаллий, зарур ҳолларда хорижий эксперт мутахассисларнинг иштирокини таъминлаш бўйича чора-тадбирларни амалга ошириш;
пуллик ўқув курсларнинг натижадорлиги тўғрисида иштирокчилардан қайта алоқа олиш ва унинг натижасини ҳамда соҳасидаги муаммоларни курс якунида иштирокчилари билан муҳокама қилиш бўйича брифинг ташкил этиш ва ўтказиш;
пуллик ўқув курсларини тизимли равишда ташкиллаштириш, бунда ҳар ойда 25 иштирокчидан иборат камида 4 та гуруҳни шакллаштириш ва ўқитиш бўйича ташкилий-услубий чора-тадбирларни амалга ошириш.
Номзодга қўйиладиган талаблар:
Номзод иқтисодиёт ёки юридик фанлар бўйича илмий даражага (Ph.D ёки Doctor of Science) ёки банк-молия соҳасида камида 5 йиллик иш тажрибасига эга бўлиши;
ўқув контентларини тайёрлаш ёки пуллик ўқув курсларини ташкил этиш соҳасида камида бир йиллик иш тажрибасига эга бўлиши;
ўзбек ва рус тилларини мукаммал даражада билиши лозим (сертификат).
Бажариладиган иш муддати:
Мазкур иш муддати 3 (олти) ойга белгиланган бўлиб, келгусида заруратга кўра, шартнома муддати узайтирилиши мумкин.
Тўлов миқдори:
Бажарилган иш учун тўлов миқдори, шу ишлар бўйича амалдаги бозор конъюнктурасидан келиб чиқиб, тарафлар келишуви асосида белгиланади ва мутахассисга бажарган ишининг натижасига кўра тўланади.
Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш,
Иш вақти: иш вақти ҳафтасига жами 16 соат (2 кунлик) иш режимини ташкил этади.
Талабгор Академия (Департамент) масъул кафедрасига фуқаролик паспорти ёки ID картаси билан шахсан мурожаат қилиб, тегишли ҳужжатларни (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномаси ва илмий даража дипломи) тақдим этиши лозим. Тақдим этилган ҳужжатлар ўрганиб чиқилганидан сўнг, заруратга кўра талабгор билан комиссия таркибида суҳбат ўтказилади.
Ҳужжатларни топширишнинг энг охирги муддати 06.04.2026 йил.
Тел.: 91-146-57-87