Ўзбекистон Республикаси Ҳуқуқни муҳофаза қилиш академиясида Наврўз байрами ва Ёшлар куни муносабати билан талабаларнинг касбий ва жисмоний тайёргарлигини мустаҳкамлаш, соғлом турмуш тарзини кенг тарғиб қилиш ҳамда жамоавийлик ва ватанпарварлик туйғусини шакллантиришга қаратилган спорт байрами ташкил этилди.
Мусобақаларда 1–3 курс талабалари иштирок этиб, улар жамоавий ва якка тартибдаги йўналишларда ўз куч ва маҳоратини синаб кўрдилар.
Тадбир дастури ҳарбий-спорт эстафетаси, арқон тортиш, тош кўтариш, армрестлинг, стол тенниси ва камондан отиш каби спорт турларини қамраб олди. Иштирокчилар жисмоний тайёргарлик, чидамлилик ва жамоавий ҳамжиҳатликнинг юқори даражасини намоён этдилар.
Ҳарбий-спорт эстафетаси якуни бўйича “Прокурорлик фаолияти” йўналишининг 1-курс, “П”-поток 2-гуруҳи ғолиб деб топилди. Иккинчи ўринни “Тергов фаолияти” йўналишининг 1-курс, “А”-поток 2-гуруҳи, учинчи ўринни эса шу йўналишнинг 2-курс, “А”-поток 2-гуруҳи эгаллади.
Арқон тортиш мусобақасида “Тергов фаолияти” йўналишининг 3-курс жамоалари – “А”-поток 1-гуруҳи, “А”-поток 2-гуруҳи ва “Б”-поток 2-гуруҳи – ғолиб ва совриндорлар сифатида қайд этилди.
Якка тартибдаги мусобақаларда ғолиблар қуйидагича аниқланди: тош кўтариш бўйича – Нишонов Озодбек, Чориев Шохсувор ва Шокиров Шохжахон;
армрестлингда ўғил болалар ўртасида – Файзуллаев Шахриёр, Фарходов Ғолибжон ва Убайдуллаев Элбек, қизлар ўртасида – Пирманова Сарвина, Сайдуллаева Севинч ва Тангирова Маржона;
стол теннисида ўғил болалар ўртасида – Муродов Мухамадали, Қувондиқов Анваржон ва Акромов Саидумар, қизлар ўртасида – Бабашова Бибиназ, Сайфуддинова Гулноза ва Ботирова Рамиля;
камондан отишда ўғил болалар ўртасида – Ғанижонов Шамшод, Тешабоев Шохрух ва Пўлатов Камрон, қизлар ўртасида – Олимбоева Мохинур, Зарипова Бону ва Мусулмонова Лобар (II ўрин), Бекмуродова Мафтуна (III ўрин).
Тадбир юқори кўтаринки, дўстона ва соғлом рақобат муҳитида ўтди. Ғолиб ва совриндорлар дипломлар, кубоклар ҳамда эсдалик совғалари билан тақдирланди.
Бундай тадбирлар талабаларнинг жисмоний тайёргарлигини мустаҳкамлаш билан бирга, келажакдаги ҳуқуқни муҳофаза қилувчи органлар ходимларида ирода, масъулият ва жамоада самарали ишлаш кўникмаларини шакллантиришга хизмат қилади.