Халқаро ҳамкорлик ва академик мобилликни янада ривожлантириш мақсадида ҳозирги вақтда Академия фаолиятига вақтинчалик асосда мазкур соҳада етарли билим ва тажрибага эга бўлган мутахассисни жалб қилиш зарурати мавжуд.
Мутахассис томонидан тақдим этилган тегишли ҳужжатлар ўрганиб чиқилган ва суҳбат натижаларига кўра, у билан Академия ўртасида икки томонлама фуқаролик ҳуқуқий шартнома имзоланади.
Мутахассиснинг вазифалари:
Академияда халқаро академик алмашинув ва мобиллик, қўшма таълим дастурларини ишлаб чиқиш ва амалга ошириш.
Хорижий олий ўқув юртлари, таълим муассасалари билан қўшма таълим дастурлари, халқаро академик алмашинув ва мобиллик бўйича ҳамкорлик масалалари юзасидан музокаралар олиб бориш, алоқаларни ўрнатиш, кенгайтириш, ривожлантириш, шунингдек мазкур соҳада олиб борилаётган ишлар аҳволини тизимли таҳлил қилиш, мавжуд муаммоларни бартараф этиш ҳамда янги йўналишлар бўйича таклифлар тайёрлаш.
Академия вакиллари, тадқиқотчилари, тингловчилари
ва талабаларининг хорижий таълим муассасаларида малака ошириши, стажировка ўташи, бошқа илмий-амалий тадбирларда (конференция, семинар, тренинг, давра суҳбати, тадқиқот) иштирок этишига кўмаклашиш, ташкиллаштириш ва мувофиқлаштириш, хорижий таълим муассасалари билан ўзаро алмашинув дастурларини амалга ошириш.
Хорижий илмий-тадқиқот муассасалари ва олий ўқув юртлари билан ҳамкорликда қўшма тадқиқотларни амалга оширишни ташкил этилишига кўмаклашиш ва мувофиқлаштириш, Академия ходимлари, тадқиқотчилари ва тингловчилари учун хорижий илмий раҳбарлар тайинланишига кўмаклашиш.
Халқаро ва хорижий ҳамкорлар иштирокида миллий, минтақавий ва халқаро даражадаги тадбирлар (конференциялар, семинарлар, давра суҳбатлари ва ҳ.к.) ташкил қилишга кўмаклашиш ва мувофиқлаштириш;
Халқаро ва хорижий грантлар, дастурлар ва лойиҳалар тўғрисида хабардор қилиш ҳамда Академия иштирокига кўмаклашиш.
Халқаро ва хорижий ҳамкорлар томонидан амалга оширилаётган Академия фаолияти билан боғлиқ дастурлар ва лойиҳаларда иштирок этишни таъминлаш.
Академия фаолиятига халқаро ва хорижий экспертларни узоқ ва қисқа муддатга жалб қилиш чораларини кўриш.
Қўшма таълим дастурлари, академик мобиллик йўналиши бўйича вазифалар ва амалга оширилаётган тадбирлар ҳақидаги тизимлаштирилган маълумотлар базасини шакллантириш ва юритиш.
Қўшма таълим дастурлари, академик алмашинув ва мобиллик йўналиши бўйича пресс-релизларни тайёрлаш ва Академия сайтида чоп этишга кўмаклашиш.
Қонунчилик ҳужжатларига мувофиқ ходим зиммасига бошқа вазифалар ҳам юклатилиши мумкин.
Номзодга қўйиладиган талаблар:
Олий таълим муассасалари ва халқаро ташкилотларда халқаро ҳамкорлик, қўшма таълим дастурлари ва академик мобиллик соҳасида камида икки йиллик иш тажрибаси.
Мазкур йўналишда тегишли ҳужжат (сертификат).
Ўзбек, инглиз, рус тилларини яхши билиш (сертификат).
Бажариладиган иш муддати: 3 (уч) ой бўлиб, келгусида заруратга кўра, шартнома муддати узайтирилиши ёхуд фуқаро меҳнат шартномаси асосида Академияга ишга қабул қилиниши мумкин.
Тўлов миқдори: тарафлар келишуви билан белгиланади ва талабгорга бажарилган иш натижасига кўра тўланади.
Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш, натижага эришиш.
Иш вақти: иш вақти 40 соатлик, ҳафтасига 5 кунлик иш режимини ташкил этади.
Талабгор тегишли ҳужжатлар (шахсини тасдиқловчи ҳужжат (паспорт ёки ID карта), объективка, олий таълим олганлик ҳақида диплом ва унинг иловаси, меҳнат дафтарчаси, тегишли сертификатлар) электрон нусхасини қуйидаги электрон манзилга (int.proacademy.uz@gmail.com, int@proacademy.uz) юбориши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.
Ҳужжатлар 2026 йил 20 апрелга қадар қабул қилинади.
Маълумот учун телефон: +99871-202-04-96 (ички рақам 1939, 1918).