Ҳозирги вақтда Академия фаолиятига вақтинчалик асосда талабаларни футбол спорт тури бўйича шуғуллантирувчи мутахассисни жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.
Мутахассиснинг вазифалари:
Академия талабалари учун футбол бўйича режали машғулотларни ўтказиш;
Машғулот дастурларини ишлаб чиқиш ва амалга ошириш;
Жисмоний, техник, тактик ва психологик тайёргарликни таъминлаш;
Талабаларнинг футбол маҳоратини босқичма-босқич ривожлантириш;
Индивидуал ва жамоавий ўйин кўникмаларини шакллантириш;
Истеъдодли талабаларни аниқлаш ва қўллаб-қувватлаш;
Академия жамоасини мусобақаларга тайёрлаш;
Талабалар ўртасида спорт этикаси, жамоавийлик ва интизомни шакллантириш;
Машғулотлар вақтида хавфсизлик қоидаларига риоя этилишини таъминлаш;
Жароҳатларнинг олдини олиш ва тиббий назоратни таъминлаш;
Талабаларнинг жисмоний ҳолатини доимий кузатиб бориш;
Машғулотлар ва мусобақалар бўйича ҳисоботлар тайёрлаб, Академия раҳбариятга белгиланган тартибда ахборот тақдим этиш.
Номзодга қўйиладиган талаблар:
25 ёшдан 50 ёшгача бўлиши;
Олий ёки ўрта махсус маълумот ва камида 3 йиллик амалий тажриба (футбол ихтисослиги устувор ҳисобланади);
Футбол спорт тури бўйича мураббийлик сертификати ҳамда малака тоифаси мавжуд бўлиши лозим.
Бажариладиган иш муддати: 3 (уч) ойга белгиланган.
Тўлов миқдори: тарафлар келишуви билан белгиланади ва талабгорга бажарилган иш натижасига кўра тўланади.
Талаблар: замонавий машғулот методикалари ва инновацион усулларни қўллай олиш, жамоа билан ҳамнафас ишлаш, талабалар билан ишлаш қобилияти, масъулиятли ва интизомли бўлиш.
Иш вақти: 2 соатлик, ҳафтасига 3 кунлик иш режимини ташкил этади.
Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.
Ҳужжатларни топшириш муддати 2026 йил 15 апрель кунига қадар (шу куни ҳам).
Телефон: + 998 90 918-15-04