Академияда 9 апрель - Амир Темур таваллуд топган куни ҳамда “Ёшлар куни” муносабати билан “Темурийлар даврида ҳарбий санъатнинг ривожланиши” мавзусида маънавий-маърифий тадбир ўтказилди.
Учрашувда Ўзбекистон Республикаси Жамоат хавфсизлиги университетининг ижтимоий-гуманитар фанлар кафедраси профессори, темур ва бобуршунос олим Рахимов Жумабай, университет курсантлари ҳамда Академия талабалари иштирок этди.
Тадбир давомида олим томонидан Амир Темурнинг давлат арбоби ва саркарда сифатида олиб борган ва дунё тарихида ўчмас из қолдирган сиёсати ва фаолияти ҳақида талабаларга батафсил тушунтириб берилди ҳамда уларни қизиқтирган барча саволларга жавоб берилди.
Университет курсантлари ва Академия талабалари эса буюк аждодимизнинг ҳаётий фаолияти давомидаги ҳолатлар асосида саҳналаштирилган қисқа саҳна кўринишларини намойиш этдилар.
Тадбир якунида Ҳарбий ва жисмоний тайёргарлик ҳамда Ижтимоий-гуманитар фанлар кафедралари томонидан Академия кутубхонасига “Ўзбекистон тарихи” ва “Темур тузуклари” номли адабиётлар туҳфа этилди.