Ўзбекистон Республикаси Ҳуқуқни муҳофаза қилиш академияси томонидан илмий нашрлар сифатини халқаро даражага олиб чиқиш, жумладан Ҳуқуқни муҳофаза қилиш академияси Anti-Corruption Studies and Research илмий журналини SCOPUS базаси талаблари асосида ташкил этиш мақсадида ахборот технологиялари соҳасидаги мутахассис экспертларни вақтинчалик асосда жалб қилиш режалаштирилган.
Мутахассислар томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик-ҳуқуқий шартнома имзоланади.
Мутахассиснинг вазифалари
Мутахассис қуйидаги вазифаларни бажаради:
1. Anti-Corruption Studies and Research илмий журналини SCOPUS базасига тайёрлаш ва 2026 йилги нашр жараёнларини ташкил этиш бўйича чора-тадбирлар режаси ишлаб чиқиш.
2. Anti-Corruption Studies and Research илмий журнали учун мақолалар қабул қилиш, тақриздан ўтказиш ва нашрга тайёрлаш.
Мақолалар қабул қилиш бўйича (Call for Papers )эълон қилиш.
Очиқ журнал тизимлари (Open Journal Systems) платформаси орқали мақолаларни қабул қилиш..
Плагиатни аниқлаш тизими (StrikePlagiarism) орқали текшириш.
Икки томонлама яширин тақриз (Double-blind peer review) жараёнини ташкил этиш.
Мақолаларни таҳрир қилиш ва саҳифалаш.
Рақамли объект идентификатори (DOI) бериш ва журнални эълон қилиш.
LinkedIn саҳифаси орқали расмий хабар бериш.
3. Anti-Corruption Studies and Research илмий журнал сифатини ошириш ва SCOPUS талабларига мувофиқлаштириш:
Ҳар чоракда таҳририят йиғилишлари.
Open Journal Systems (Очиқ журнал тизимлари) платформаси орқали метамаълумотларини текшириш.
ORCID (муаллифларнинг халқаро идентификация рақами) тизими интеграциясини назорат қилиш.
Халқаро таҳририят билан онлайн учрашувлар.
SCOPUS талаблари асосида ҳужжатлар тайёрлаш.
4. Журналнинг ахборот сиёсати ва илмий тарғиботини кучайтириш:
Ҳар ой LinkedIn саҳифасида камида 2 та пост жойлаштириш.
PR материаллар тайёрлаш.
Муаллифлар учун онлайн вебинарлар ташкил этиш.
Журнал илмий фаолиятини яхшилаш учун халқаро ҳамкорликни кенгайтириш.
Номзодларга қўйиладиган талаблар:
SCOPUS халқаро илмий маълумотлар базалари билан камида 5 йиллик иш тажрибаси.
Ахборот технологиялари соҳасида камида 2 йиллик иш тажрибаси.
OJS платформаси билан ишлаш кўникмаси.
Илмий журналлар билан ишлаш тажрибаси.
Ўзбек, инглиз ва рус тилларини яхши билиши.
Бажариладиган иш муддати:
Бажариладиган иш муддати 3 ойни ташкил қилади. Шартнома муддати кейинчалик заруратга кўра томонлар розилиги билан узайтирилиши мумкин.
Тўлов миқдори тарафлар келишуви асосида белгиланади ва бажарилган иш натижасига кўра амалга оширилади.
Иш вақти ҳафтасига 40 соатни ташкил қилади.
Ҳужжатлар рўйхати:
Талабгор қуйидаги ҳужжатларни тақдим этади:
паспорт ёки ID карта
объективка (қисқача таржимаи ҳол)
диплом ва унинг иловаси
меҳнат дафтарчаси нусхаси
СТИР маълумотномаси
Танлов тартиби:
Тақдим этилган ҳужжатлар ўрганиб чиқилгандан сўнг, заруратга кўра номзодлар билан комиссия таркибида суҳбат ўтказилади.
Ҳужжат топшириш муддати: 2026 йил 23 апрелгача.
Телефон: (71) 202-04-96 (1752)