2026 йил 16 апрель куни Ўзбекистон Республикаси Ҳуқуқни муҳофаза қилиш академиясида «Ўзбекистон Республикаси ҳуқуқни муҳофаза қилиш органлари учун кадрлар тайёрлашда замонавий ёндашувлар: киберхавфсизлик, сунъий интеллект ва ахборот технологиялари» мавзусида халқаро конференция бўлиб ўтади.
Тадбир доирасида ҳуқуқни муҳофаза қилиш органлари ходимларининг малакасини оширишнинг икки босқичли янги механизми тақдим этилади. Унга кўра, дастлаб Академия базасида тайёргарликдан ўтган ходимлар кейинчалик хорижий етакчи таълим ва илмий марказларда стажировка ўтайди.
2026 йилда 50 нафар ходимни хорижда ўқитиш режалаштирилган бўлиб, мазкур жараён «Эл-юрт умиди» жамғармаси маблағлари ҳисобидан молиялаштирилади.
Конференцияда ҳуқуқни муҳофаза қилувчи ва куч тузилмалари раҳбарлари ҳамда миллий ва хорижий экспертлар иштирок этиши кутилмоқда.