Юнусобод тумани 7-сонли ички ишлар бўлими фаолияти билан танишув

Жорий йилнинг 16 январь куни Бош прокуратура Академияси раҳбарияти, республиканинг ҳудудий прокурорлари ва ички ишлар идоралари бошлиқларидан иборат гуруҳ таркибида, Тошкент шаҳар Юнусобод тумани 7-сонли ички ишлар бўлимида жиноятчиликка қарши курашиш ва ҳуқуқбузарликлар профилактикаси соҳасидаги янгиликлар билан яқиндан танишишди.

Танишув жараёнида ички ишлар бўлимининг замонавий тизим асосида ташкил этилган тезкор навбатчилик қисми, профилактика, тергов, жиноят-қидирув бўлинмалари, ички миграция ва фуқароликни расмийлаштириш гуруҳи, психолог, ёнғин хавфсизлиги, тез ёрдам, фавқулодда вазиятлар хизматларининг фаолияти намойиш қилинди.

Шунингдек, иштирокчиларга ички ишлар бўлимининг туман ҳокимлиги, прокуратура, солиқ инспекцияси ва бошқа идоралар билан ҳамкорлик механизмларини янада кенгайтириш мақсадида ички ишлар ходимларининг 86 фоизини қуйи бўғинга ўтказиш бўйича ташкилий-штат тузилмасини мақбуллаштириш лойиҳаси тақдим қилинди.