Мамлакатимизда яширин иқтисодиётга қарши курашиш, банк-молия, солиқ соҳасида иқтисодий жиноятлар содир этилишининг янги схема ва каналларини ўз вақтида аниқлаш, олдини олиш ва бартараф этиш соҳасида прокуратура ва ҳуқуқни муҳофаза қилувчи органлар ходимларининг малкасини ошириш мақсадида Ўзбекистон Республикаси Ҳуқуқни муҳофаза қилиш академиясида ташкил этиладиган ўқув курслари учун амалий ўқув-контентини тайёрлаш бўйича вақтинчалик асосда мутахассис жалб қилиш зарурати мавжуд.
Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.
Мутахассиснинг вазифалари:
содир этилаётган молиявий фирибгарликлар, солиқдан қочишнинг “ақлли” схемалари, умумбелгиланган солиқ режимида яширин иқтисодиётга қарши курашиш бўйича прокуратура ва бошқа ҳуқуқни муҳофаза қилувчи органлар ходимлари учун Академияда режали асосда ташкил этиладиган малака ошириш ўқув курслари учун амалиётга йўналтирилган ўқув-контентини тайёрлашда услубий ёрдам кўрсатиш;
савдо, саноат, ишлаб чиқариш, қурилиш-пудрат, тўқимачилик, қишлоқ хўжалиги соҳаларида содир этилаётган солиқдан қочишнинг “ақлли” схемалари, жумладан қўшилган қиймат солиғи (кейинги ўринлардa-ҚҚС), фойда солиғи ва бошқа солиқ турларидан бўйин товлаш схемаларини ёритишга доир ўқув контенти, казуслaр, тестлар ва ўқув-амалий қўлланмалар тайёрлашда услубий ёрдам кўрсатиш;
корхоналарда экспорт ва импорт операцияларини амалга ошириш чоғида содир этилаётган солиқдан қочишнинг “ақлли” схемалари, жумладан ҚҚС, фойда солиғи ва бошқа солиқ базаларини яширишга оид ўқув дастурий контент тайёрлаш, ушбу соҳага оид казуслар, тестлар ва амалий қўлланмаларни тайёрлашда услубий ёрдам кўрсатиш;
чет эл корхоналари, доимий муассасалар ва ваколатхоналар фаолиятида юзага келаётган солиқдан қочишнинг ақлли схемалари, трансферт нархлардаги солиқ назорати ёритишга оид ўқув дастурий контент тайёрлаш, ушбу соҳага оид казуслaр, тестлар ва амалий қўлланмаларни тайёрлашда услубий ёрдам кўрсатиш;
ҚҚС, фойда солиғи, акциз солиғи, мол-мулк солиғи ва бошқа солиқ турлари бўйича имтиёзлардан қонунга зид равишда фойдаланишга оид ўқув дастурий контент тайёрлаш, казуслaр, тестлар ва амалий қўлланмаларни тайёрлашда услубий ёрдам кўрсатиш;
Номзодга қўйиладиган талаблар: иқтисодиёт ёки юридик фанлар бўйича илмий даражага (PhD ёки Dostor of Sсienсe) ёки солиқ-молия соҳасида камида 10 йиллик иш тажрибасига эга бўлиши;
ўқув контентларини тайёрлаш ёки малака ошириш ўқув курсларини ташкил этишда камида 6 ойлик иш тажрибасига эга бўлиши;
ўзбек ва рус тилларини мукаммал даражада билиши лозим.
Бажариладиган иш муддати: 3 ойга белгиланган бўлиб, келгусида заруратга кўра, шартнома муддати узайтирилиши мумкин.
Тўлов миқдори: шу ишлар бўйича амалдаги бозор конъюнктурасидан келиб чиқиб, тарафлар келишуви асосида белгиланади ва мутахассисга бажарган ишининг натижасига кўра тўланади.
Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш.
Иш вақти: ҳафтасига жами 16 соат (2 кунлик) эркин иш режимини ташкил этади.
Талабгор Академия (Департамент) масъул кафедрасига фуқаролик паспорти ёки ID картаси билан шахсан мурожаат қилиб, тегишли ҳужжатларни (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномаси ва илмий даража дипломи) тақдим этиши лозим. Тақдим этилган ҳужжатлар ўрганиб чиқилганидан сўнг, заруратга кўра талабгор билан комиссия таркибида суҳбат ўтказилади.
Ҳужжатларни топширишнинг энг охирги муддати 2026 йил 30 апрелгача (шу куни ҳам).