Ҳуқуқни муҳофаза қилиш академияси раҳбарияти, профессор-ўқитувчилари, тингловчи ва талабалари Самарқанд шаҳрида ўтказилган глобал наркотаҳдидларга қарши халқаро форумда иштирок этди.
Форумда замонавий наркотаҳдидларнинг хусусиятлари, айниқса синтетик наркотиклар тарқалишининг ўсиши, ёшлар ўртасида наркожиноятларнинг олдини олиш, профилактика ва реабилитация механизмларини такомиллаштириш масалалари атрофлича муҳокама қилинди.
Анжуман доирасида Марказий Осиё Наркологлар ассоциациясини ташкил этиш, наркотрафик хавфи юқори бўлган ҳудудларни ижтимоий қўллаб-қувватлаш, шунингдек халқаро ҳамкорликни институционал даражада мустаҳкамлашга қаратилган амалий ташаббуслар илгари сурилди.
Академия вакиллари синтетик наркотикларга қарши курашиш, ёшлар ўртасида профилактик ишларни кучайтириш ва ушбу йўналишда амалий ёндашувларни такомиллаштириш масалалари бўйича профессионал муҳокамаларда иштирок этди.
Форум якунида қабул қилиниши режалаштирилган Самарқанд декларацияси глобал наркотаҳдидларга қарши курашиш бўйича мувофиқлаштирилган халқаро ҳаракатларнинг янги босқичини белгилаб бериши кутилмоқда.