Тошкент шаҳри Юнусобод тумани ички ишлар органлари фаолиятини мувофиқлаштириш бўлими раҳбарияти томонидан Ҳуқуқни муҳофаза қилиш академияси талабалари билан учрашув ўтказилди.
Тадбир “Ёшлар ўртасида гиёҳвандликка қарши кураш ойлиги” доирасида ташкил этилди ва ёшлар ўртасида наркотик таҳдидларга қарши иммунитетни шакллантиришга қаратилди.
Учрашув давомида гиёҳвандликнинг салбий оқибатлари, унинг инсон саломатлиги, ижтимоий барқарорлик ва жамият хавфсизлигига таъсири ҳақида маълумотлар берилди. Шу билан бирга, профилактиканинг замонавий ёндашувлари, хавф гуруҳлари билан манзилли ишлаш ҳамда соғлом турмуш тарзини шакллантириш масалаларига алоҳида эътибор қаратилди.
Халқаро амалиёт, жумладан Бирлашган Миллатлар Ташкилоти тавсияларига мувофиқ, наркотикларга қарши курашишда профилактика, хабардорлик ва таълим устувор аҳамиятга эга экани таъкидланди.
Шунингдек, гиёҳвандлик билан боғлиқ ҳуқуқбузарликлар учун қонунчиликда назарда тутилган жавобгарлик чоралари тушунтирилди.
Тадбир якунида талабаларнинг саволларига мутахассислар томонидан атрофлича жавоблар берилди ҳамда очиқ мулоқот форматида фикр алмашинув бўлиб ўтди.