Ҳуқуқни муҳофаза қилиш академияси бакалавр талабалари ўртасида китобхонлик маданиятини ошириш ва тарихий хотирага ҳурматни мустаҳкамлаш мақсадида Ўзбекистон прокуратураси тарихи музейида “Тарихий хотира беқиёс” номли маънавий-маърифий тадбир ташкил этилди.
Тадбир давомида қатағон йилларида ноҳақ судланган ва ўлим жазосига маҳкум этилган прокуратура ходимлари хотирасини абадийлаштириш, уларнинг фаолияти ва меросини ўрганиш ҳамда прокуратура органларининг ҳаққоний тарихини тиклаш масалаларига алоҳида эътибор қаратилди.
Шунингдек, иштирокчиларга музей экспозицияси бўйлаб экскурсия ташкил этилди ва қатағон қурбонларига бағишланган ҳужжатли видеофильм намойиш этилди.
Мазкур тадбир талабаларда тарихий хотирага эҳтиром, касбий меросга садоқат ва маънавий масъулият ҳиссини мустаҳкамлашга хизмат қилади.