Ҳозирги вақтда Академия фаолиятига вақтинчалик асосда ҳуқуқни муҳофаза қилиш фаолияти муаммоларини илмий-амалий тадқиқ этиш лаёқатига эга мутахассисни жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.
Мутахассиснинг вазифалари:
Академия Ҳуқуқни муҳофаза қилиш фаолияти муаммоларини илмий-амалий тадқиқ этиш марказида илмий-амалий тадқиқот билан шуғулланиш;
ҳуқуқни муҳофаза қилиш фаолияти муаммолари, шу жумладан, жиноятларни тергов қилиш соҳасида илмий-амалий тадқиқотлар ўтказиш;
ўқув ва ўқув-услубий фаолиятга оид ҳужжатларни тайёрлашда иштирок этиш;
ўқув ва ўқув-услубий фаолияти самарадорлигини ошириш юзасидан таклифлар ишлаб чиқиш;
зарурий ўқув услубий адабиётларни тайёрлашда қатнашиш, шунингдек, янги нашр этиладиган адабиётларга тақриз (хулоса)лар бериш;
Тошкент шаҳрининг Академияга бириктирилган туман ва маҳаллаларда хавфсиз муҳитни яратиш йўналишида яхлит манзилли ишлаш тизимини жорий этиш бўйича тавсиялар ишлаб чиқишда иштирок этиш;
Марказ ходимларига диссертацион ва монографик тадқиқот олиб боришда илмий маслаҳатлар бериш;
Марказда бакалавр ва магистрлик илмий тадқиқот ишлари муҳокамаларида иштирок этиш, тақриз ёки илмий хулосалар бериш.
Номзодга қўйиладиган талаблар:
Олий юридик маълумот ва камида 3 йиллик амалий тажриба (ҳуқуқни муҳофаза қилиш органлари фаолиятида);
25 ёшдан 50 ёшгача бўлиши;
ҳуқуқни муҳофаза қилиш фаолияти муаммоларини тадқиқ этиш соҳаситда тажрибага эга, юридик фанлар бўйича илмий даража ва унвони мавжуд бўлиши лозим.
Бажариладиган иш муддати: 3 (уч) ойга белгиланган.
Тўлов миқдори: тарафлар келишуви билан белгиланади ва талабгорга бажарилган иш натижасига кўра тўланади.
Талаблар: илмий-тадқиқот ишларини амалга ошириш лаёқатига эга бўлиш, таҳлилий маълумотлар ва ўқув-услубий адабиётлар тайёрлаш кўникмасига эга, масъулиятли ва интизомли бўлиш.
Иш вақти: 8 соатлик, ҳафтасига 5 кунлик иш режимини ташкил этади.
Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.
Ҳужжатларни топшириш муддати 2026 йил 30 апрель кунига қадар (шу куни ҳам).
Телефон: + 998-97-765-26-43