Қорақалпоғистон Республикаси прокуратураси ходимлари малакасини ошириш тадбирлари

Жорий йилнинг 16-18 январь кунлари Бош прокуратура Академияси томонидан Қорақалпоғистон Республикаси прокуратураси ходимларининг малакасини ошириш машғулотлари ўтказилди.

Мазкур машғулотларда прокуратура органларида ишларни режалаштириш, ташкиллаштириш, ижро интизомини мустаҳкамлаш ҳамда прокуратура органларида таҳлилий фаолиятни ташкил этиш масалалари таҳлил қилинди.

Шунингдек, тадбиркорлик ва инвестицияларни ҳимоя қилишнинг айрим долзарб масалалари, ижтимоий ва иқтисодий соҳаларда қонунлар устидан назоратни ташкил этиш масалалари муҳокама қилинди.

Тадбирларда иштирокчиларнинг аввалдан етказиб берилган ўқув материалларни ўзлаштирганлиги бўйича тайёргарлигини аниқлаштириш ҳамда улар асосидаги муаммоли масалалар, қизиқтирган саволларга жавоблар бериш орқали муҳокама шаклида ўтказилди.