Ҳуқуқни муҳофаза қилиш академиясида Ихтисослаштирилган прокурорлар корпусининг туман (шаҳар) прокурорлари ва уларга тенглаштирилган прокурорлар ёрдамчилари ҳамда вилоят прокуратуралари маҳкама ходимлари учун “Судларда жиноят ишлари кўрилишида давлат айбловини қўллаб-қувватлаш ҳамда суд қарорлари ижросини таъминлашда прокуратура органларининг роли” мавзусидаги малака ошириш курси якунланди.
Ўқув жараёнида давлат айбловини қўллаб-қувватлашнинг амалий жиҳатлари, суд қарорлари ижросини таъминлашнинг самарали механизмлари ҳамда ҳуқуқни қўллаш амалиётида ягона ёндашувларни шакллантириш масалалари чуқур таҳлил қилинди.
Шунингдек, амалиётда учраётган муаммолар атрофлича кўриб чиқилиб, уларни ҳал этиш бўйича аниқ таклиф ва тавсиялар ишлаб чиқилди. Машғулотлар амалий кейслар, таҳлил ва очиқ мулоқот шаклида ташкил этилди.
Курс якунида тингловчиларнинг билим ва кўникмалари баҳоланиб, улар томонидан амалиётдаги муаммолар таҳлили асосида қонунчиликни такомиллаштиришга қаратилган таклифлар кўриб чиқилди.
Мазкур ўқув дастури прокуратура органлари фаолиятида самарадорликни ошириш, ягона ҳуқуқни қўллаш амалиётини таъминлаш ва суд қарорлари ижроси механизмларини мустаҳкамлашга хизмат қилади.