Лунд университетининг (Швеция) Ҳуқуқ социологияси департаменти билан ҳамкорлик тўғрисида Меморандум имзоланди

2019 йил 21 январ куни Бош прокуратура Академияси раҳбариятининг Швеция ва Финляндия давлатларига ташрифи доирасида Лунд университетининг (Швеция) Ҳуқуқ социологияси департаменти билан Ўзбекистон Республикаси Бош прокуратураси Академияси ўртасида ҳамкорлик тўғрисида Меморандум имзоланди.

Лунд университетининг Ҳуқуқ социологияси департаменти билан келишувга эришиш ҳуқуқбузарликлар профилактикаси соҳасида ўзаро академик алмашинув ва биргаликда тадқиқотлар ўтказиш йўли орқали Бош прокуратура Академиясининг илмий-тадқиқот салоҳиятини оширишга кенг имкониятлар яратади.

Тадбир якунига кўра, Европа комиссиясининг «Erasmus+ International Credit Mobility» дастури доирасидаги лойиҳалар устида ҳамкорликда ишлаш ҳақида келишиб олинди.

Учрашув якунида томонлар ҳамкорлик истиқболларини муҳокама қилиб, биргаликда олиб бориладиган бошқа соҳаларини ҳам белгилаб олишди.