Вазирлар Маҳкамасининг 2023 йил 6 апрелдаги 143-сон қарори билан тасдиқланган “Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисида”ги Низомга мувофиқ, дастлабки танловдан ўтиб, махсус психологик танлов ва ёзма имтиҳонда иштирок этиш учун базавий ҳисоблаш миқдорининг ярим баравари миқдорида тўловни амалга оширган номзодлар тўғрисидаги маълумотлар қуйидаги иловаларда эълон қилинади:
- ҳарбийлаштирилган йўналиш бўйича – 1-иловага мувофиқ;
- ҳарбийлаштирилмаган йўналиш бўйича – 2-иловага мувофиқ.
2026 йил 6 июнь куни Ўзбекистон Республикаси Ҳуқуқни муҳофаза қилиш академияси бакалавриатининг “Тергов фаолияти” таълим йўналишига ўқишга қабул қилиш бўйича махсус психологик танлов ҳамда ёзма имтиҳон (диктант) ўтказилади.
Танловда иштирок этувчи номзодлар ўзлари танлаган ҳудуддаги имтиҳон ўтказиш манзилига 2026 йил 6 июнь куни соат 13:30 га қадар паспорт ёки ID-карта билан етиб келишлари лозим. Бунда номзодлар my.uzbmb.uz платформасидаги шахсий кабинети орқали синов ўтказиладиган аудитория ва жой ҳақидаги маълумотлар билан олдиндан танишиб чиқишлари тавсия этилади.
Имтиҳон ўтказиладиган манзиллар 3-иловага мувофиқ келтирилган.