Ўзбекистон Республикаси Ҳуқуқни муҳофаза қилиш академиясида мустақил изланувчи Кенжаев Тимур Исомовичнинг 12.00.12 – «Коррупция муаммолари» (юридик фанлар) ихтисослиги бўйича юридик фанлар доктори (DSc) илмий даражасини олиш учун тайёрлаган диссертация тадқиқотининг кафедралараро муҳокамаси бўлиб ўтди.
Тадқиқот «Норматив-ҳуқуқий ҳужжатлар ва уларнинг лойиҳаларини коррупцияга қарши экспертизадан ўтказиш: назарий ва амалий жиҳатлар» мавзусига бағишланган бўлиб, унда ҳуқуқ ижодкорлиги жараёнида коррупциявий хавфларни барвақт аниқлаш ва бартараф этиш механизмларини такомиллаштириш масалалари атрофлича таҳлил қилинган.
Муҳокама давомида тадқиқот мавзусининг долзарблиги, илмий янгилиги, назарий ва амалий аҳамияти кўриб чиқилди, шунингдек, диссертация ишини янада такомиллаштиришга қаратилган таклиф ва тавсиялар билдирилди.
Кафедралараро муҳокама якунларига кўра диссертация тадқиқоти ижобий баҳоланди ҳамда уни белгиланган тартибда кейинги босқичга тавсия этиш тўғрисида якдил қарор қабул қилинди.