Ўзбекистон Республикаси Ҳуқуқни муҳофаза қилиш академиясида мустақил изланувчи Самариддин Очилов 12.00.08 – "Жиноят ҳуқуқи. Жиноят-ижроя ҳуқуқи" (юридик фанлар) ихтисослиги бўйича юридик фанлар бўйича фалсафа доктори (PhD) илмий даражасини олиш учун тайёрлаган диссертация ишининг кафедралараро муҳокамаси бўлиб ўтди.
"Жазони ўташдан муддатидан илгари шартли озод қилишни такомиллаштириш" мавзусидаги тадқиқотда жазони ўташдан муддатидан илгари шартли озод қилишни қўллашнинг мезонлари, асослари ва шартларини такомиллаштириш масалалари таҳлил қилинган.
Муҳокама давомида ишнинг долзарблиги, илмий янгилиги, назарий ва амалий аҳамияти кўриб чиқилиб, уни янада такомиллаштириш юзасидан таклиф ва тавсиялар билдирилди.
Муҳокама якунларига кўра диссертация иши ижобий баҳоланди ҳамда белгиланган тартибда кейинги босқичга тавсия этилди.