Ўзбекистон Республикаси Ҳуқуқни муҳофаза қилиш академияси мустақил изланувчиси Баҳодиров Ўткирхон Бахриддиновичнинг 12.00.09 – «Жиноят процесси. Криминалистика, тезкор-қидирув ҳуқуқи ва суд экспертизаси» ихтисослиги бўйича юридик фанлар бўйича фалсафа доктори (PhD) илмий даражасини олиш учун тайёрлаган диссертация ишининг кафедралараро муҳокамаси бўлиб ўтди.
«Ўзлаштириш ёки растрата йўли билан талон-торож қилиш жиноятларини тергов қилишни замонавий тенденциялар асосида такомиллаштириш» мавзусидаги тадқиқотда мазкур тоифадаги жиноятларни тергов қилиш методикасини такомиллаштиришнинг назарий ва амалий жиҳатлари ҳамда тергов фаолиятига замонавий ёндашувларни жорий этиш масалалари таҳлил қилинган.
Муҳокама давомида ишнинг долзарблиги, илмий янгилиги, назарий ва амалий аҳамияти кўриб чиқилиб, уни янада такомиллаштириш юзасидан таклиф ва тавсиялар билдирилди.
Муҳокама якунларига кўра диссертация иши ижобий баҳоланди ҳамда белгиланган тартибда кейинги босқичга тавсия этилди.