Ўзбекистон Республикаси Ҳуқуқни муҳофаза қилиш академияси бошлиғининг биринчи ўринбосари Е.В.Коленко Хитой Халқ Республикасига ташрифи доирасида мамлакатнинг етакчи илмий-тадқиқот ва таҳлил марказлари раҳбарияти билан қатор учрашувлар ўтказилди.
Жумладан, Хитой Ижтимоий фанлар академияси ҳузуридаги Шанхай академияси ҳамда Фудань университетининг “Бир макон, бир йўл” ташаббуси ва глобал бошқарув тадқиқотлари институти раҳбарияти билан музокаралар бўлиб ўтди.
Учрашувлар давомида Ўзбекистон–Хитой муносабатларининг бугунги ҳолати ва ривожланиш истиқболлари, шунингдек илмий-тадқиқот, таълим ва эксперт-таҳлилий соҳалардаги ҳамкорликни янада кенгайтириш масалалари муҳокама қилинди.
Томонлар қўшма тадқиқот лойиҳаларини амалга ошириш, илмий конференциялар ва экспертлар семинарларини ташкил этиш, академик ва экспертлик алмашинувларини ривожлантириш, таҳлилий ҳамда илмий нашрларни тайёрлаш соҳаларида ҳамкорлик истиқболлари юзасидан фикр алмашдилар.
Музокаралар чоғида ҳуқуқий тадқиқотлар, эксперт-таҳлилий фаолият, кадрлар тайёрлаш ва малака ошириш соҳаларида ҳамкорликни кенгайтириш, қўшма илмий лойиҳаларни амалга ошириш ҳамда илмий муассасалар ўртасида тажриба алмашиш масалаларига алоҳида эътибор қаратилди.
Шунингдек, ҳуқуқий ислоҳотларни илмий ва эксперт-таҳлилий жиҳатдан қўллаб-қувватлаш, замонавий тадқиқот усулларини ривожлантириш ҳамда таҳлил марказлари ва академик муассасалар ўртасидаги институционал ҳамкорликни мустаҳкамлашнинг истиқболли йўналишлари муҳокама қилинди.
Учрашувлар якунлари бўйича икки мамлакатнинг таҳлил ва тадқиқот муассасалари ўртасидаги ҳамкорликни кенгайтириш, қўшма ташаббуслар ва илмий лойиҳаларни амалга ошириш бўйича келишувларга эришилди.
Мазкур учрашувлар ҳуқуқий соҳадаги илмий-тадқиқот ва эксперт-таҳлилий ҳамкорликни ривожлантириш, тажриба алмашиш ҳамда икки мамлакат муассасалари ўртасидаги алоқаларни янада мустаҳкамлаш учун муҳим аҳамият касб этади.