Ўзбекистон Республикаси Ҳуқуқни муҳофаза қилиш академиясида “Янги Ўзбекистонда фаровон оила ва хотин-қизларга яратилаётган имкониятлар” мавзусида маърифий тадбир ўтказилди.
Тадбирда Ўзбекистон Республикаси Оила ва хотин-қизлар қўмитаси ҳузуридаги “Оила ва гендер” илмий-тадқиқот институти бўлим бошлиғи Х.Сайдивалиева иштирок этди.
Мулоқотда оила институтини мустаҳкамлаш, хотин-қизларнинг ҳуқуқ ва қонуний манфаатларини таъминлаш, уларнинг ижтимоий-сиёсий фаоллиги, касбий ҳамда интеллектуал салоҳиятини рўёбга чиқаришга қаратилган ислоҳотларнинг мазмун-моҳияти муҳокама қилинди.
Шунингдек, фаровон оилани шакллантириш, оилавий қадриятларни асраб-авайлаш, хотин-қизларни ҳар томонлама қўллаб-қувватлашга қаратилган давлат сиёсати ҳамда бу борада прокуратура органлари ходимларининг маънавий-маърифий масъулияти хусусида фикр алмашилди.
Тадбир иштирокчиларнинг оила ва хотин-қизлар масалаларига доир ислоҳотлар мазмунини чуқурроқ англашига, миллий қадриятларга ҳурмат ва ижтимоий масъулият туйғусини мустаҳкамлашга хизмат қилди.