Ўзбекистон Республикаси Ҳуқуқни муҳофаза қилиш академияси ишчи гуруҳи томонидан Бош прокурор ўринбосари С.И.Самадов раҳбарлигида Сурхондарё вилояти маҳаллаларида жиноятчиликнинг барвақт олдини олиш масалаларини илмий-амалий жиҳатдан ўрганиш, унинг содир этилишига имкон бераётган омиллар ва шарт-шароитларни аниқлаш, шунингдек, хавфсиз муҳитни шакллантириш бўйича ишлар давом эттирилди.
Ўрганишлар доирасида вилоятнинг шаҳар ва туманларидаги маҳаллаларда жиноят содир этилишига сабаб бўлувчи омиллар ҳамда бунга имкон яратаётган шарт-шароитлар таҳлил қилинди. Ҳудудларнинг ўзига хос хусусиятлари ва мавжуд муаммоларидан келиб чиқиб, профилактик чора-тадбирларнинг манзиллилиги ва самарадорлигини оширишга қаратилган илмий асосланган тавсиялар ишлаб чиқилди.
Ишчи гуруҳ аъзолари маҳаллаларда “маҳалла еттилиги” аъзолари билан учрашувлар ўтказиб, хавфсиз муҳитни таъминлаш ва ҳуқуқбузарликларнинг барвақт олдини олиш бўйича амалий масалаларни муҳокама қилмоқда.
Шу билан бирга, ишлаб чиқилган тавсияларнинг жойлардаги ижроси бевосита ўрганилиб, ҳуқуқбузарликлар профилактикасини самарали ташкил этиш юзасидан масъул ходимларга амалий кўрсатмалар берилмоқда.