Ҳуқуқни муҳофаза қилиш академияси “PreAcademy” тайёрлов курсларини тарғиб қилиш ва ривожлантириш ишларини самарали ташкил этиш бўйича малакали маркетинг мутахассисини вақтинчалик асосда жалб қилиш учун танлов эълон қилади.
Тақдим этилган ҳужжатлар ўрганилиб, номзод маъқулланган тақдирда, у билан Академия ўртасида фуқаролик-ҳуқуқий шартнома тузилади.
Асосий вазифалар:
– “PreAcademy” тайёрлов курслари доирасида комплекс маркетинг тадбирларини режалаштириш, ташкил этиш ва амалга ошириш;
– реклама мақсадлари учун фото ва видео суратга олиш жараёнларини ташкил этиш, видео ва аудиоматериалларни тайёрлаш ҳамда таҳрир қилиш;
– барча долзарб рақамли платформаларда контентни жойлаштириш ва кросс-постингни амалга ошириш;
– “PreAcademy”лойиҳасининг ижтимоий тармоқларини комплекс юритиш (SMM);
– таргетланган реклама кампанияларини созлаш, юритиш ва самарадорлигини таҳлил қилиш ҳамда оптималлаштириш;
– ижтимоий тармоқлар фойдаланувчилари ва обуначилари билан самарали мулоқотни йўлга қўйиш, фикр-мулоҳазалар ва мурожаатларга жавоб бериш;
– таълим хизматларини тарғиб қилиш ва сотишнинг самарали маркетинг стратегияларини ишлаб чиқиш ҳамда жорий этиш;
– сотув воронкаларини шакллантириш, таҳлил қилиш ва такомиллаштириш;
– “PreAcademy”тайёрлов курсларининг ижобий имижи ва бренд танилувчанлигини оширишга қаратилган маркетинг тадбирларини амалга ошириш.
Номзодга қўйиладиган талаблар:
– маркетинг, рақамли маркетинг ёки SMM соҳасида амалий иш тажрибасига эга бўлиш;
– таргетланган реклама, маркетинг таҳлили ва визуал контент яратиш бўйича кўникмаларга эга бўлиш;
– таълим хизматлари ёки EdTech соҳасида маҳсулотларни тарғиб қилиш бўйича тажрибага эга бўлиш;
– креатив фикрлаш, таҳлилий ёндашув, шахсий масъулият, ташаббускорлик ва натижага йўналтирилганлик каби шахсий сифатларга эга бўлиш.
Иш муддати: шартнома асосида вақтинчалик. Зарур ҳолларда шартнома муддати узайтирилиши мумкин.
Иш режими: 8 соатлик иш куни, ҳафтасига 5 кун.
Меҳнатга ҳақ тўлаш: суҳбат натижалари ҳамда бажарилган ишлар натижаларига кўра, тарафлар келишуви асосида белгиланади.
Ҳужжатлар рўйхати:
– шахсни тасдиқловчи ҳужжат;
– объективка;
– олий маълумот тўғрисидаги диплом ва унинг иловаси;
– мавжуд бўлган тақдирда сертификатлар;
– меҳнат дафтарчаси нусхаси (мавжуд бўлган тақдирда);
– СТИР ва ПИНФЛ маълумотлари.
Ҳужжатлар Академияга шахсан ёки электрон шаклда тақдим этилади. Тақдим этилган ҳужжатлар дастлабки тартибда ўрганилиб, заруратга кўра номзодлар билан комиссия таркибида суҳбат ўтказилади.
Ҳужжатлар 2026 йил 5 июлга қадар қабул қилинади.
Маълумот учун:
Телефон: +998 94 799 66 33
Электрон почта: murodabdurasidov@gmail.com